Marrëveshja për kufirin detar brenda dy javësh/ Rama: Ato që akuzojnë për tradhëti do të…

Komisioneri për Zgjerimin Johannes Hahn ka paralajmëruar se në dy javët e ardhshme mund të ketë një marrëveshjes mes Shqipërisë dhe Greqisë për kufirin detar.

Në një konferencë për mediat, Hahn tha se në strategjinë e përbashkët, BE s’do të pranojë asnjë shtet tjetër anëtar që ka ende konflikte të pazgjidhura me një prej vendeve fqinj gjë që ka përshpejtuar negociatat në disa vende, si zgjidhja e çështjes së emrit midis Greqisë dhe Maqedonisë.

“Më vjen keq që ka pasur keqkuptime se kjo ka pasur të bëjë me një sqarim për cështjet e kufijve dhe nuk kemi ndonjë gjë të madhe. Une jam i bindur se pas nja dy javesh gjithcka do te behet, mund te bëhet”, theksoi Hahn.

Ndërkohë kryeministri Edi Rama u ndal në akuzat që bëhen jo vetëm në Shqipëri, por edhe në Greqi, lidhur me marrëveshjen për kufirin detar.

“Kur rezultatet të bëhen të qarta për të gjithë kushdo që akuzon për tradhëti nga të dyja palët do të turpërohet nga opinioni publik.

Është proces i pashmangshëm që do nisë menjëherë. Për të nisur përgatitjet pasi na presin muaj shumë të rëndësishëm dhe të vështirë që të jemi të përgatitur kur negiciatat të nisin zyrtarisht do bëjmë gjithcka që ju keni kërkuar do duhet më shumë kohë për tu përgatitur më mirë.

Për ne ka qenë e rëndësishme vlerësimi i bërë nga KE, por jo vetëm, ka qenë shumë e rëndësishme për ne të shohim të gjitha vendet e BE që të njihnin meritat e Shqipërisë.

S’do humbasim asnjë moment dhe ndërkohë edhe ata të vazhdojnë edhe më tej të përpiqen për ne, jemi të gatshëm për këtë proces dhe tepër të interesuar të vazhdojmë në drejtimin tonë do jetë një punë e vështirë dhe për të gjithë hapat do të ketë përpjekje të mëdha.

Nuk kemi humbur 12 muaj por kemi fituar kohë 12 muaj, është një proces që shkon duke u thelluar në të gjitha aspektet që mbulojnë 5 prioritetet”, tha Rama.