Tsipras flet për 3 çështjet e mbetura pezull me Shqipërinë/ Mediat: A po flitet për ndryshime kufijsh…(Video)

Mes Shqipërisë dhe Greqisë kanë mbetur ende pezull 3 çështje që duhet të marrin zgjidhje për të plotësuar marrëveshjen mes dy vendeve.

Zona Ekonomike ekskluzive, kufiri detar dhe ajo e gjendjes së luftës mes dy vendeve, janë çështjet për të cilat Kryeministri grek Aleksis Tsipras , tha nga Brukseli se kanë përparuar në një pikë jashtëzakonisht të rëndësishme, por ende nuk kanë përfunduar.

Tsipras citohet nga mediat greke, të cilat kanë ngritur një seri pyetjesh lidhur me qëndrimet e shfaqura nga Kryeministri i vendit të tyre.

“Nëse deklaratat e tij nuk mund t’i atribuohen një gabimi të gjuhës, një zgjedhje e gabuar e fjalëve ose një gabim verbal, kryeministri grek pa dyshim ka zbuluar se Athina është në bisedime me Tiranën për një ndryshim të mundshëm të kufijve”, shkruan Protothema.

Në dritën e deklaratave të fundit të bëra nga Komisioneri Evropian për Politikat Evropiane të Fqinjësisë, Hahn, qëndrimet e shprehura nga Kryeministri grek bëhen më alarmante.

“A është Greqia në bisedime sekrete me Shqipërinë për të zgjidhur mosmarrëveshjet kufitare duke ndryshuar kufijtë?”, pyet media greke.