Marrëveshja sekrete me Shqipërinë/ Zbuloi detajet, Kotzias rrezikon 13 vite burg

Zbuloi detajet e një marrëveshje, nga e cila Greqia përfiton një zgjerim prej 12 miljesh detare, por duket se për këtë akt, Ish-ministri i Jashtëm të Greqisë, Nikos Kotzias, rrezikon plot 13 vite burg.

Pas dorëheqjes e cila erdhi me përplasjet që pati me ministrin e Mbrojtjes, Panos Kammenos, Korzias u mburrë se kishte arritur ti merrte Shqipërisë një territor detar, sa sipërfaqja e krahinës së Thesprotisë.

Tani, sipas medias greke, Nikos Kotzias, akuzohet se ka nxjerrë sekretin shtetëror me deklaratën e tij se “Greqia do të zgjerohet me 12 milje detare”, dhe si pasojë ka ekspozuar vendin.

Këto media japin edhe detaje. Me urdhër të Prokurorit të Gjykatës Supreme, do të kryhet një hetim nga Prokurori Anti-Korrupsion për deklaratat e ish-ministrit.

Por përveç hetimit për nxjerrje të sekretit shtetëror në lidhje me deklaratat për zgjerimin në 12 milje, pjesë e hetimit do të jenë edhe akuzat për përfitimin e fondeve, nga George Soros.

Sipas asaj që shkruhet në mediat greke, Kotzias, rrezikon deri në 13 vite burg pasi ka shkelur Nenet 141 dhe 146 të Kodit Penal që kanë të bëjnë me dënimin për ata persona, që kanë vënë në rrezik marrëdhëniet e shtetit grek me një shtet tjetër por dhe e kanë ekspozuar ndaj një hakmarrjeje të mundshme (Turqia), si dhe nxjerrjen e dokumenteve apo sekreteve shtetërore, që duhet të mbahen konfidenciale