Pa dekretin e Presidentit, Edi Rama e shoqëron Lleshin në Zyrën e Tahirit, Xhafajt…
Sandër Lleshi në krye të ministrisë së Brendshme nuk është i pazakontë vetëm pse u refuzua të dekretohet nga Presidenti i Republikës. Ceremonia e marrjes së detyrës është shumë e veçantë sepse Zv/ministri Lleshi në mënyrë ceremoniale u shoqërua nga kryeministri.
E ky i fundit, pas sforcimit për ta vendos me çdo kusht Sandër Lleshin në krye të ministrisë së Brendshme i ka kushtuar Gjeneralit edhe një shoqërim në Ministri, për pranim-dorëzim të postit nga ministri i saposhkarkuar Fatmir Xhafaj.
Edhe ky pranim-dorëzim ishte i pazakontë. Jo si paraardhësi, Llleshi e mori detyrën me dëshmitar Edi Ramën, dhe u largua nga Zyra e sapongarkuar me punë.
Pas prezantimit të Zv/ministrit të Brendshëm Sandër Lleshi, Fatmir Xhafaj dhe kryeministri Edi Rama janë parë teksa dalin nga ambientet e ministrisë. Ishin të buzëqeshur nga mbledhja dhe nuk bënë asnjë koment për gazetarët.
Zv.ministri i ri Sandër Lleshi, do të ketë kompetencat e ministrit të Brendshëm, e për dallim nga Fatmir Xhafaj, Lleshi nuk ka se si e kritikon punën e parardhësit meqë ajo ishte një punë, që siç e tha vetë në daljen e parë publike, që ishte kotrolluar nga vetë ai.
