Masakër në Tajlandë, 34 të vrarë në një kopsht, 22 prej të cilëve fëmijë

Të paktën 34 persona janë vrarë pas të shtënave në një kopsht në Nong Bua Lamphuu në verilindje të Tajlandës, tha zëdhënësi i policisë për Agjencinë e lajmeve Reuters.

Në mesin e të vrarëve janë 22 fëmijë ndërsa mediat lokal raportojnë se në mesin e të vrarëve janë edhe bashkëshortja dhe fëmijët e vrasësit.

Agjencia e lajmeve Reuters raporton se vrasësi i identifikuar si Panya Kamrab, është vetëvrarë. 

Vrasësi, ish-polici Panya Kamrab ishte larguar nga puna vitin e kaluar, raporton PBS tajlandeze. Komandanti i policisë Jakkapata Vijitraithayu tha se Kamrab është larguar nga policia pasi u zbulua se ishte konsumator i drogës.

Ndryshe, të shtëna të këtyre përmasave janë të rralla në Tajlandë, por në vitin 2020 një ushtar ka vrarë 29 dhe ka plagosur 57 persona.

Numri i qytetarëve pronarë të paktën të një arme në Tajlandë është i lartë në krahasim me shtetet tjera në atë rajon.