Mashtrim “alla grata”, Rama: Falë rimarrjes në administrim shtetëror të Kontrollit Teknik…
Pa respektuar as festën e Krishtlindjes, Kryeministrimi Edi Rama sjell një mashtrim që do ta kishte trishtuar edhe Sekretarin e Shtetit, Anthony Blinken, në emër të të cilit ka lëshuar gojën jo vetëm Rama por e gjithë Asambleja e Përgjithshme e PS. Duke ngatërruar koncesionin me Kodin Rrugor, ai thotë se me rimarrjen e Kontrollit Teknik pas koncesionit alla nongrata, Çertifikata e Kontrollit Teknik të DPSHTRR heq përfundimisht detyrimin e kontrollit fizik të automjetit kur ndërron pronësia.
“Falë rimarrjes në administrim shtetëror këtë vit të Kontrollit Teknik dhe ndërveprimit të sistemeve informatike, të cilat me vite ishin dhënë me një koncesion alla nongrata, Çertifikata e Kontrollit Teknik të DPSHTRR heq përfundimisht detyrimin e kontrollit fizik të automjetit kur ndërron pronësia,” thekson Edi Rama e meqë Sekretari Blinken nuk i ka dhuruar NON-in ngelet një mashtrim “alla grata”!
Dhe jo vetëm kaq! Pas 8 vjet qeverisjeje dhe ndryshime në Kodin e ri Rrugor që i bëri po kjo mazhorancë lidhur me kontrollin teknik, sot Edi Rama thotë se eliminon 60 mijë kontrolle fizike të automjeteve në vit, i kursen qytetarëve 90.000.000 lekë dhe 30.000 orë pritje në vit, kur me këtë punë nuk kishte të bënte koncesionari por qeveria që ai drejton, nëse drejton DPSHTRR sepse kësaj mazhorance si qeveris edhe nuk i dihet!
Ja statusi i plotë:
Me këtë LAJM TË MIRË e të shumëpritur për Drejtuesit e Automjeteve, puna vazhdon flet vetë ndërsa llafet e gojëve të shthurura dhe baltën e mendjeve të mbrapshta vijnë e ikin me erën
Falë rimarrjes në administrim shtetëror këtë vit të Kontrollit Teknik dhe ndërveprimit të sistemeve informatike, të cilat me vite ishin dhënë me një koncesion alla nongrata, Çertifikata e Kontrollit Teknik të DPSHTRR heq përfundimisht detyrimin e kontrollit fizik të automjetit kur ndërron pronësia
Eliminohen 60 mijë kontrolle fizike të automjeteve në vit U kursehen qytetarëve
90,000,000 lekë dhe 30,000 orë pritje në vit
#ShqipëriaEArdhmjaJonë
#SkaKohëPërPushim🏃♀️🏃🏻♂️
