McShane: Jo real, refuzimi i Spanjës për të pranuar Kosovën

Refuzimi jo real i Spanjës për të pranuar Kosovën, vlerëson Ish-Nënsekretari për Punë të Jashtme i Britanisë së Madhe, përgjegjës për Ballkanin Perëndimor, Denis McShane, refuzimin e shtetit spanjoll që të njohë Kosovën duke e konsideruar se po luan në duart e Vladimir Putinit dhe bllokon hyrjen e Ballkanit Perëndimor në Evropë.

“Pika kyçe është se ekziston refuzimi jo real i Spanjës për të pranuar Kosovën. Si djalë i ri unë mbështeta të drejtën e Spanjës për të jetuar pa sundimin fashist. Madridi, PP&PSOE, refuzon të njohë Kosovën. Luan në duart e Putinit dhe bllokon hyrjen e Ballkanit Perëndimor në Evropë. Egoist,” thekson McShane përmes rrjetit social X duke ju përgjigjur analistit spanjoll, Ignacio Molina, në pyetjen pse Spanja i pengon kandidatët të anëtarësohen në BE.

Ndryshe, Ignacio Molina në pyetjen drejtuar Ish-Nënsekretarit McShane e pyet pse Spanja pengon kandidatët të anëtarësohen në BE.

“I nderur Denis, jam vërtet i interesuar të di pse thua se Spanja i pengon kandidatët të anëtarësohen në BE. Valët e fundit (dhe të ardhshme) të zgjerimit nuk i kanë përfituar Spanjës për sa i përket financimit, të bërit biznes, apo pikëpamjeve për të ardhmen e BE-së, por Madridi megjithatë e ka mbështetur pranimin e tyre.”