Më 16 shkurt në Tiranë/ Basha në Krujë, zgjidhja politike e opozitës është kjo…

Kryetari i Partisë Demokratike, Lulzim Basha turin e tij të takimeve me qytetarët nëpër Shqipëri sot e vazhdoj me Krujën ku u njoh me situatën e rëndë ekonomike ndërsa konstatoi se 1/3 e krutanëve janë larguar për faj të keqqeverisjes së Edi Ramës.

“Shembull më të mirë se Kruja për të folur për rezultat pozitiv të bashkimit, nuk ka. Të gjithë bashkë ju ftoj më 16 shkurt në Tiranë. Në Krujë nuk pash një turist, një blerës të trokasë në dyqane. Ka vende me klimë shumë më të keqe se Shqipëria, ku sezoni turistik nuk pushon 12 muaj në vit. Ndërkohë që në Krujë mezi presin muajt e verës. Sezoni i kaluar ishte i mjeruar. Më thanë se 6-7 vite më parë, gjysma e klientelës ishte lokale, apo bashkëkombasit nga Kosova dhe diaspora. Gjysma të huaj si konsumatorë kryesorë,” tha Lulzim Basha sot kur situata është krejt ndryshe, dhe jo vetëm që nuk ka turistë por 1/3 e popullsisë së Krujës ka ikur, shumica prej tyre të rinj, dhe banda që sot qeveris është shkaktare e kësaj situate.

Kruja hyn në numrin më të madh të familjeve në nevojë. Ka hequr qindra familje, 23 mijë me statistika në të gjithë Shqipërinë, por në fakt është dyfish.

“45% e familjeve shqiptare jetojnë me më pak se 5 mijë lek të vjetra në ditë. Ku jemi këtu në xhungël? 2 miliardë taksa të parave tuaja ju e dini përse nuk kanë ardhur për spitale e shkolla, sepse këto para i ka vjedhur Edi Rama me bandën e tij të hajdutëve në qeveri dhe me oligarkët. Në krahun tonë në programin ekonomik, kemi këshilltarët më të mirë të CDU-së,” tha lideri i opozitës duke përsëritur prioritetet, punësimin dhe mirëqenien për shqiptarët, për të cilat tha se ka zgjidhje, dhe është gati për ti vënë në funksion, me votën shqiptare.

Ndërkohë para banorëve të Krujës bëri dhe premtime konkrete:

“Prej ditës sonë të parë nafta dhe benzina do të jetë 300 lek më pak për litër, për çdo shqiptar. Do ta heqim taksën “Rama” mbi karburantin. Ato miliarda që sot i marrin 5 oligarkë dhe i ndajnë me Edi Ramën, që do t’i çojmë për rritjen e pensioneve, rrogave, financim energji, ne mënyrë që shqiptarët të mos e paguajnë më shtrenjtë se çdokush tjetër në Ballkan, dhe që familjet në ndihmë ekonomike të marrin 200 KW e parë falas,” tha kryetari i Partisë Demokratike duke shtuar se PD ka vizionin, plan dhe vendosmëri që të fillojë t’ju shërbejë qytetarëve  prej ditës së parë kur ti besohet me votë qeverisja e vendit.

“Institucionet janë kapur nga krimi dhe korrupsioni. Prej 5 vitesh e kemi thënë përpara Bashkisë së Krujës që është monument i kriminalizimit. Nuk e thotë vetëm PD, por e thonë edhe dokumente zyrtare se Edi Rama nuk është më kryeministër i shqiptarëve, por i votave të vjedhura, bandave dhe krimit,” tha Basha për kryeministrin i cili ka urrejtje për njerëzit dhe është i verbuar bashkë me oligarkët, për të vrarë shpresën, për të thënë se ky vend nuk bëhet. 500 vjet më parë.

Sot ka ardhur koha t’i shtrijmë dorën njëri-tjetrit që të shporrim të keqen e të rikthejmë vendin në binarët e normalitetit. Këtu në vendin tonë të krijojmë vende pune, rritje konsumi, të rikthejmë shpresën.

“Nuk ka më mjete për ta zgjidhur këtë krizë politikisht. Koha e fjalëve ka mbaruar, ka ardhur koha të merrni në dorë fatin tuaj! Asnjë qeveri dhe asnjë parlament nuk është sovran i këtij vendi,” tha në Krujë kryetari i Partisë Demokratike, Lulzim Basha, taki kur bota thotë se Edi Rama dhe qeveria e tij janë produkt i krimit dhe jo votës së shqiptarëve, ndërsa përfundoi:

“Zgjidhja politike e opozitës është kjo: Qeveri kalimtare që do të përgatisë zgjedhje të parakohshme parlamentare dhe do të zhbllokojë integrimin europian të Shqipërisë.”