Rikthehet Prokurori i “Tahirit”, kandidon për SPAK

Ish-kreu i Krimeve të Rënda, Besim Hajdarmataj ka dorëzuar aplikimin pranë KLP për Strukturën e Posaçme kundër Korrupsionit dhe Krimit të Organizuar, SPAK.

Hajdarmataj është prokurori i 13-të që aplikon për anëtar të SPAK, ndërkohë ky institucion do të ketë në përbërje 15 anëtarë.

Aplikimi i Besim Hajdarmatajt për SPAK vjen dy ditë përpara skadimit të afati ligjor.

Ndryshe, SPAK nënkupton krijimin e një gjykate dhe prokurorie të dedikuar vetëm për hetimin, ndjekjen penale dhe gjykimin e korrupsionit, krimit të organizuar si dhe të gjitha veprave penale nga zyrtarë të kaluar dhe aktualë të nivelit të lartë. Me ngritjen e SPAK do të ngrihet Prokuroria e Posaçme dhe Byroja e Hetimit.