Më 7 korrik të gjithë të protestojmë, Berisha: Mos thuaj: Ç’më duhet mua!

“Mos thuaj: Ç’më duhet mua” është slogani i cili sot edhe u zyrtarizua nga Kryetari i PD, Sali Berisha, ndërsa iu drejtua qytetarëve shqiptarë me thirrjen që të dalin në protestën e 7 Korrikut në ora 7 për të mos thënë kurrë, s’kemi ç’i bëjmë Edi Ramës, i bindur: “Kemi ç’ti bëjmë dhe e përmbysim me siguri!

“Pasioni yjnë është liria e shqiptarëve, ne vazhdojmë këtë betejë, vazhdojmë këtë mision, më të vendosur se kurrë, si një lëvizje e fuqishme, e udhëhequr nga Partia Demokratike, lëvizje e cila do të bëjë për vete çdo shqiptar që beson te ky vend. Për të mos thënë kurrë ç’më duhet mua, për të mos thënë kurrë s’kemi ç’i bëjmë?!” thekson Sali Berisha në mesazhin e tij pas takimeve intensive në përgatitjen e protestës së 7 korrikut duke përfunduar:

“Kemi ç’ti bëjmë dhe e përmbysim me siguri! Kemi ç’ti bëjmë dhe e ndryshojmë këtë gjendje! Rikthejmë Shqipërinë në rrugën e saj, se ajo ecën në drejtim të gabuar. Hajde ti bindim, të trokasim në zemrat e tyre, me urtësi, me mençuri, me njerëzi. Të bashkohen me ne!”