Më mirë të rritësh dele në Librazhd sesa të punosh ministër i Brendshëm i Edi Ramës

Pas harresës së frikshme që Qeveria Rama i ka bërë Veriut të Shqipërisë, sot Ministri i Brendshëm, Taulant Balla, më në fund dha raste konkrete se si në bashkëpunim me partnerët ndërkombëtarë po krijojnë sipërmarrje të suksesshme në zonat ku emigracioni është i lartë, duke sugjeruar të gjithë të rinjtë të cilët synojnë emigrimin, se më mirë u bie të rrisin dele në Kukës dhe Dibër sesa të punojnë në shtëpi bari në Britaninë e Madhe.

“Ne po ndërtojmë në Shqipëri, raste konkrete me qeverinë britanike pas marrëveshjes së vitit të kaluar mes Ramës dhe Kryeministrit Sunak ne po ndërtojmë një regjistër të personave që kanë qenë të trafikut dhe emigracionit të paligjshëm dhe që me mbështetjen e qeverisë britanike po krijojmë sipërmarrje të suksesshme në Kukës, Dibër.

I bie më mirë  të rritësh dele në Kukës dhe Dibër sesa të punosh me shtëpi barit në Britaninë e Madhe. Këto projekte ne do ti mbështesim  dhe do ti fuqizojmë për të çuar përpara këtë strategji të rëndësishme,” tha ministri i Brendshëm ndërsa shpalosej strategjia ndërsektoriale e dhunës dhe krimit në familje, sugjerim i cili u keqinterpretua nga shumica e popullsisë që jeton në këto zona duke shpërfill bashkëvuajtësin dhe kolegun e tyre, Taulant Balla, i cili sapo u ul në fronin e ministrit të Edi Ramës e kuptoi se më mirë është të rritësh dele në Librazhd sesa të bëhesh ministër i Bajrajve dhe Çapjave.

Ndryshe, nuk dihet nëse kjo strategji do të kujdeset për viktimat ish-ministra që, ç’është e vërteta në shtëpi bari nuk kanë punuar, por për të qenë konsumator të produkteve të këtyre shtëpive deri sa shërbenin si ministra, nuk kanë ngurruar meqë nuk iu mungonte aftësia e likuidimit!