Me monizmin e bazuar në krimin e Edi Ramës, Berisha: Betejë deri në fitoren e plotë!

Kjo betejë do të vazhdojë deri në fitoren e plotë të revolucionit demokratik, mbi monizmin e bazuar në krimin, drogën, e Edi Ramës, tha në fund të protestës së opozitës para Parlamentit të Shqipërisë, Kryetari i Partisë Demokratike, Sali Berisha, duke paralajmëruar protestën e radhës për mëngjesin e së enjtes kur zhvillohet seanca plenare e radhës.

“Së pari, dua të ju falënderoj në mënyrën më të përzemërt, mirënjohje më të thellë.

Prania juaj këtu ka qenë një mbështetje e jashtëzakonshme, për ne, për demokratët shqiptarëe kudo që ndodhen. Ne po mbrojmë një kauzë të drejtë.

Sot parlamenti shqiptar ju e patë vetë, u dominua totalisht nga fantazma e McGonigal të Edi Ramës. Ajo që Rama kishte planifikuar, kishte planifikuar në mënyrë që të shpëtonte vetë dhe disa deputete ishin ndjerë të lënduara se, pse unë kisha thënë ditën e premte pse ai kishte bërë orgjira me zyrtarë.

Por unë çfarë u thashë? Unë u thashë se, ato janë një realitet dhe sigurisht hetimit do ti jepen. Por ato janë terciare. Kryesore është lidhja e dy tradhtarëve McGonigal, tradhtar i kombit të madh amerikan dhe Edi Rama, tradhtar i kombit shqiptar.

Tani, çështja numër 1 e parlamentit padiskutim që është komisioni hetimor parlament për një problem që ka tronditur botën, Amerikën, Shqipërinë, NATO-n dhe mbarë botën e lirë.

Është në përcaktimin tonë, vendosmërinë tonë, që ky parlament ose do të ju japë zgjidhje këtyre problemeve ose nuk do të mund të trajtojë çështje tjetër.

Prania juaj këtu i detyroi të largohen nga parlamenti. Por herën tjetër, do të duhet tu marrin leje ju për tu larguar nga parlamenti. Ndaj ju them, më mirë zbatoni rregullat, ligjet, respektoni të drejtat e opozitës. Janë 750 mijë zgjedhës, të drejtat e të cilëve shtypen në parlament. Ne kurrë nuk do të tolerojmë këtë.
Rroftë revolucioni, rroftë opozita, rrofshi ju,” tha Kryetari i PD, Sali Berisha ndërsa vazhdoi rrugën deri tek selia e Partisë Demokratike ku gjithashtu kishte një mesazh përmbyllës:

“Parlamenti dëshmoi se çfarë përfaqëson sonte. U detyruan të lënë parlamentin dhe të largohen, sepse e vërteta është se janë shumë më afër me bandat dhe krimin se sa me tempullin e demokracisë.

“Kjo betejë do të vazhdojë, do të vazhdojë deri në fitoren e plotë të revolucionit demokratik, mbi monizmin e bazuar në krimin, drogën, e Edi Ramës.

Edhe njëherë mirënjohje të pakufishme.

Rrofshi ju, rroftë Shqipëria!”