Michael Roth: Politika shqiptare që marrë përgjegjësitë që i takon, vetting po ecën…

Politika shqiptare, të marrë përgjegjësitë që i takon në mënyrë që të mos rrezikojë rrugën e vendit drejt BE. Është ky mesazhi që ka dhënë në Tiranë, ministri i Shtetit për Çështje Evropiane në Ministrinë e Jashtme gjermane, Michael Roth, në konferencën e përbashkët me kreun e diplomacisë shqiptare, Ditmir Bushati.

“Në radhë të parë këtu bëhet fjalë për krijimin e një shteti i ligjor dhe një drejtësi të mirë por dhe në luftën kundër korrupsionit. Me procesin e vettingut Shqipërie po ecën shumë mirë dhe ka treguar që ka qenë i suksesshëm.

Fakti që deri tani shumë gjykatës dhe prokuror janë shkëputur nga drejtësia tregon seriozitetin e qeverisë për këtë proces. Këto reforma duhet të ndiqen në mënyrë konsekuente, do duhej që të kishte vendosmëri në këto reforma.

Nëse përmes një procesi të ndershëm atëherë do duhet që të kemi gjykatës të rinj për të mbushur këto boshllëqe që ka lënë vettingu. Sepse një proces gjyqësor që nuk funksionon do të ndikonte në fushat e tjera.

Ky proces kërkon një vetëdije dhe përgjegjësi për qeverinë por dhe për opozitën. Unë do t’u drejtojë një apel të gjithë politikanëve që të marrin përgjegjësinë e tyre për të mos rrezikuar rrugën e Shqipërisë drejt BE-së”, tha Roth.

Ai gjithashtu shtoi se duhet votuar ligji i Magjistraturës për të hapur rrugën emërimeve të reja që janë lënë bosh nga vettingu.

Ndërkohë, ministri Bushati pohoi se ky vit nuk është i lehtë për Shqipërisë, e cila duhet të punojë për plotësimin e kushteve për BE.