Kampet e refugjatëve në Shqipëri? Ja përgjigjia që jep Michael Roth…
Ministri i Shtetit për Çështjet Evropiane në Ministrinë e Jashtme Gjermane, Michael Roth, deklaroi sot në Tiranë se BE asnjëherë nuk ka kushtëzuar hapjen e negociatave me Shqipërinë me strehimin e emigrantëve këtu.
Roth shtoi se po punohet për një zgjidhje dhe Shqipëria ishte e mirëpritur për të dhënë ndihmën e saj.
“Nuk ka asnjë kusht që ne i kemi vendosur Shqipërisë për mbylljen e kufijve sa i përket emigrantëve apo për hapjen e kampeve të pritjes. Nuk ka lidhje të drejtpërdrejtë të kësaj problematike me çështjën e integrimit. Ne jemi të interesuar që të gjejmë zgjidhje të përbashkët për emigrantët”, tha ai.
