Ministri Pacolli “non grata”/Uglanin: Pikëllim i madh, boshnjakët duhet të presin ardhjen e një njeriu normal në krye të Serbisë

Pas vendimit të qeverisë për të ndaluar vizitën e Ministrit të Punëve të Jashtme të Kosovës, Presidenti i Këshillit Kombëtar të Boshnjakëve në Serbi, Sulejman Uglanin i dërgoi letër Behgjet Pacolli, duke theksuar se mosgatishmëria e regjimit aktual serb për të mundësuar që qytetarët të dëgjojnë dhe mendojnë ndryshe, reflekton më mirë karakterin e këtij regjimi.

“Me pikëllim të madh morëm informacion se regjimi aktual serb nacionalist në Beograd ndaloi ardhjen tuaj dhe pengoi qytetarët e  Sanxhakut për të dëgjuar palën tjetër në lidhje me procesin e normalizimit të marrëdhënieve ndërmjet Kosovës dhe Serbisë”, thekson Uglanin në letrën duke konstatuar keqardhje për njeriun që drejton shtetin e Serbisë dhe ka një vizion të tillë edhe pse pretendon të jetë anëtar i BE dhe dëshprim për popullin boshnjak i cili duhet pres deri sa në krye të qeverisë serbe vjen një njeri normal, tolerant dhe demokratik i aftë për zgjidhjen e statusit të popullit boshnjak dhe statusin e Sanxhakut, .

Letra e Uglaninit:

“I nderuar zoti ministër,

Në cilësinë  e Presidentit të Këshillit Kombëtar Boshnjak shpreh mirënjohjen  Juve  për gatishmërinë e treguar për të vizituar Sanxhakun më 21 dhe 22 korrik 2018, pavarësisht nga të gjitha pengesat e vendosura nga regjimi serbomadh  nacionalist  serb.

Veçanërisht jemi  të kënaqur për gatishmërinë  tuaj për t’ua mundësuar qytetarëve të Sanxhakut që  të dëgjojnë  anën tjetër në lidhje me normalizimin e marrëdhënieve ndërmjet Kosovës dhe Serbisë dhe qytetarëve të Sanxhakut për të paraqitur vizionin tuaj të procesit të sigurisë rajonale dhe bashkëpunimit në Ballkanin Perëndimor.

Me pikëllim të madh morëm lajmin se regjimi aktual serb nacionalist në Beograd ndaloi ardhjen tuaj dhe pengoi qytetarët e  Sanxhakut që të dëgjojnë palën tjetër në lidhje me procesin e normalizimit të marrëdhënieve ndërmjet Kosovës dhe Serbisë.

Mosgatishmëria e regjimit aktual serb për të mundësuar që qytetarët të dëgjojnë dhe mendojnë ndryshe reflekton më mirë karakterin e këtij regjimi.

Z. Ministër, mos u shqetësoni për kërcënimet që kryeministri serb, Ana Brnabiç i ka dërguar popullit boshnjak me rastin e ftesës sonë për të vizituar Sanxhakun. Këto kërcënime janë një shprehje e jotolerancës ndaj popullit boshnjak të Sanxhakut dhe mungesës së njohurive rregullave  ligjore.

Ne shpresojmë se në procesin e integrimit evropian dhe euro-atlantik në skenën politike serbe të paraqitet opsioni normal, tolerant dhe demokratik   opsion politik i aftë për zgjidhjen e statusit të popullit boshnjak dhe statusin e Sanxhakut, i cili është një parakusht themelor për mbijetesën e boshnjakëve në këtë rajon.