“Mister Ndërtimi Pa Leje”, nga Satelitët i kthehet Sëpatës Sy m’Sy
Tre vjet më parë nuk kishte hajvan që i besoi Edi Ramës se me marrëveshjen e firmosur me operatorin “Satellogic USA Inc” për monitorim satelitor të territorit, ndërtimet pa leje tashmë nga fudnshtatori i vitit 2022 do të shihen nëpërmjet satelitëve, kur ishte mandati i tij i tretë si Kryeministër dhe kishte shpenzuuar tre mandate si Kryetar i Bashkisë Tiranë, sepse kishte fituar titullin e Mbretit të Ndërtimeve Pa Leje, e me raste siç e akuzuan vetë ndërtuesit, të “Lejeve” që i shet!
“Qeveria ka marrë vendim ekstrem që ka rrjedhur si rezultat i një lufte, që e kam nisur që kur kam hyrë në politikë, kundër ndërtimeve pa leje. Një luftë që e kemi vijuar me të gjithë në mënyrë të barabartë, pa parë të fortë dhe të dobët. Si ata që kishin pushtuar parkun Rinia. Në këtë luftë që kemi ngecur disa herë në dyert e gjykatave, që mbajnë peng procese penale për ndërtues të caktuar, me padi, dhe nuk lejojnë organet përkatëse që të bëjnë shembjet e caktuara, gjë që na ka detyruar të mësojmë se si mund t’ia dalim. Ne i kemi vënë me shpatulla prej muri ata. Kjo kontratë është zgjidhje që i jep përgjigje përfundimtare pyetjes; pse nuk i patë. Nuk është detyra ime funksionale të shoh kate. Edhe pse të gjithë jemi mësuar t’i ndjekim këto procese,” tha Edi Rama tre vjet më parë duke shfajësuar veten edhe pse është fajtori ekskluziv i ndërtimeve pa leje dhe duke tundur kontratën me “Satellogic USA Inc”!
Por, çfarë ndodhi për tre vjet me satelitë ndër shalë?!
Shqipot paguan 6 milionë euro për dy satelitë, ndërtimet pa leje u shtuan po aq sa patronazhistët ndërsa Edi Rama vazhdoi ta gëzonte mandatin e tretë që e bleu jo me pak lehtësi!
Pamë dhe shembje të shtëpive me theks të veçantë të të ardhurëve nga veriu, e kur nuk kishte më se çfarë të rrëzonte, IMT-në e ndërseu në Veri!
Shumë prej tyre iu gëzuan lokalit që shembi te Ura e Bunës në Shkodër por askush nuk hapi gojën pse u la gërmadhë apo turizmi për alienë është prioritet i Kumbaros sepse Beneti me një këmbë është në SPAK dhe nuk guxon të hap gojën!
Derisa gojët e liga dhe dhëmbët e fortë komunist nuk po pushojnë në Shkodër, Edi Rama ia mësyu Thethit me mandatin e tij të katërt në xhep, aty ku satelitët nuk kapën asgjë sepse është në majen e majes së Shqipërisë, dhe aty ku duhet zhdukur nga faqja e dheut “A Passion for Theth/ Albania’s Rugged Shangri-La”, jo vetëm pse e ka thënë i madhi Robert Elsie por që pas tij, parajsën shqiptare të ngjashme me Shangri La e kanë gjetur qindra mijëra turistë!
Për t’i vënë pikën këtij krimi shtetëror pa kuptim Edi Rama harroi satelitët dhe iu kthye tritolit, pikërisht në shtëpinë e atij që mori guximin që në maje të Thethit të thotë se nuk jam me Edi Ramën dhe se kam votuar kurrë!
Tritol me satelitë mund të ishin rruga e Edi Ramës drejt BE-së kur u shoqërua me mbështetjen e llumit komunist mbi ndërtimet pa leje, por, kur Kryeministri mori sëpatën dhe filloi të “liroi” hapësirat publike që në 90 për qind të rasteve pushtuesit janë patronazhistë, pilafi filloi të lotoj jo të lëshoj ujë.
Komunistët ranë në delir, u hoqën çadrat, karriget dhe shumë vazo betoni ku pastronazhistët e Edi Ramës kishin arritur ti shmangen sateliteve Albanai 1 dhe Albania 2 ndërsa kulmi u arritë në Tiranë tek Air Albania ku edhe kamarierët ishin të bindur se janë kushtëzuar nga Brukseli!
Por, Edi Rama nuk bëhet dot evropianë madje i shoqëruar nga miku i tij i Arab tregoi se çfarë gjaku rrondokopi ka! Mjaftoi një lokal që kishte kthyer veglat e pushtimit të tërboj Mister Ndërtimin Pa Leje që të zhduk nga faqja e dheut gjithçka që ishte rikthyer nga të tjerët edhe pse me karar, ca tavolina për faqe të zezë.
Sërish rikthehet deliri i gjakpirësve në ekranet televizive ” sa mirë ja u bënë” për të lënë një vrragë në shpirt të atyre që paguan ryshfet dhe morën lejen për ti rikthyer tavolinat deri në daljen e “lejes”!
Dalja e “lejes” nuk ndryshoi shumë si me satelitët, policia bëri një xhiro ryshfeti sepse leja nuk piu ujë edhe në ditë të diele verore, për ta parë Edi Ramën mëngjesin e së hënës Sy m’Sy!
Kujt i flet?!
Populli që e votoi Edi Ramën i kërkoi ujë, ai i shkarkon Drejtorët e Bashkisë ndonëse s’kanë lidhje me ujin! Shqipot prap i kërkojnë ujë ai sërish vazhdon me shkarkime, këtë radhë shkarkon lejet e dhëna për hapësirat publike! Mileti vazhdon duke kërkuar ujë ai ju fletë se sa shumë turistë ka në jug edhe pse ata shohin plazhet bosh në jug! Tërbohen dhe patronazhistët si pronar restorantesh dhe nxjerrin menaxherët të kërkojnë ujë dhe sot i drejtohet Sy m’Sy atyre që i gënjeu nga viti 2000 e në vazhdim duke ju premtuar sot kotroll territori me dronë!
“Jemi në proces të nisim edhe monitorimin teknologjik të strukturuar të territorit ku do ndjekim çdo gjë që ndodh në territor përmes dronëve. Kjo do na çojë komplet në nivel tjetër dhe do jemi shumë më të sigurt për mos prapakthimin e asnjë progresi në këtë drejtim,” tha sot Mister Ndërtimi Pa Leje që edhe pas 25 vjet qeverisjeje të Tiranës, dhe 12 qeverisjeje të Thethit, Kuçit e gjithë Shqipërisë, vazhdon e llapë “Fajet i ka Saliu”!
