Motori përfundon në kanal, 23 vjeçari në gjendje të rëndë

Një aksident i rëndë ka ndodhur këtë mbrëmje në aksin Shkodër- Vau i Dejës, ku një 23 vjeçar është rrëzuar nga motorri.

Gerti Palushi ka dalë nga rruga së bashku me mjetin dhe ka përfunduar në kanal, duke marrë dëmtime serioze.

Aktualisht i riu ndodhet në spital në gjendje të rëndë dhe nën monitorimin e mjekëve. Policia ka mbërritur në vendin e ngjarjes dhe ka nisur hetimet për të zbardhur shkakun e aksidentit.

Njoftimi i policisë

Me datë 28.05.2018 rreth orës 19:55 jemi njoftuar se në vendin e quajtur ura e Shelqetit ne fshatin Shelqet, Vau i Dejës, shtetasi G. P. 23 vjeç, banues në fshatin Stajka, Vau i Dejës, duke drejtuar mjetin motorçiklete, ka humbur kontrollin duke dalë nga rruga.

Po merr mjekim në Spitalin Rajonal Shkodër dhe ndodhet në gjendje të rëndë.

Në vendngjarje ndodhet grupi hetimor dhe po punon për sqarimin e rrethanave të aksidentit