Salianji: Dëshmitari X kishte afrimitet me Agronin, ja pse u largua Xhafaj…

Deputeti demokrat Ervin Salianji tha se Agron Xhafaj ka vijuar aktivitetin kriminal deri në ditët e fundit, para largimit drejt Italisë, duke shtuar se largimi i tij u bë për të mos nxjerrë grupin e tij. Në studion e Oraneës, Salianji theksoi se vëllai i ministrit nuk e mohon njohjen me Albert Veliun, nuk e mohon se nuk ka biseduar me personin.

“Në padinë që ka bërë nuk thotë se nuk është zëri im, por thotë së ka element audioviziv. Nëse ky nuk do të ishte personi që organizon trafikun e drogës që në atë moment dhe të thoshte: ‘Nuk jam unë ky. Unë nuk kam komunikuar me Veliun, apo unë nuk kam njohje me të.

Ne e kemi marrë në momentin që na ka ardhur nga gazetari. Disa javë përpara se ta publikonim. Nuk e kemi publikuar në momentin e parë sepse kemi bërë verifikimet. Ne verifikuan dëshmitarin. Kërkuam që të njiheshim me personin. Pamë materialet audio. Pamë që pas kontaktit me vëllain e ministrit sigurohej drogë dhe shkohej tek personat që të siguronin drogë në mënyrë fare të lehtë.

Pyetëm strukturat tona në Vlorë. Kam qenë në një moment kur dëshmitari X ka telefonuar me Agron Xhafajn dhe tregonte shenja afrimiteti. Sapo doli ky audio-përgjim vëllai i ministrit shkoi me këmbët e veta në burg.

Audio-përgjimi tregoi përfshirjen 100% është në krye të aktivitetit kriminal dhe i është shmangur që të mos nxjerrë grupin e vet kriminal”, tha ai.