Muriqan, arrestohen 3 persona me 23 kg drogë. Ja emrat…
Në vendkalimin Muriqan të Shkodrës policia ka arrestuar në flagrancë 3 shtetas me 23 kg lëndë narkotike Cannabis Sativa
Nga shërbimet e Policisë Kufitare Muriqan në Shkodër bëhet e ditur se janë arrestuar në flagrancë shtetasi:
Maliq Kruja, 54 vjeç, banues në Tiranë
“Arrestimi i tij u bë pasi është paraqitur në Muriqan në dalje të Shqipërisë, me mjetin e tij tip Benz, ku nga kontrolli i ushtruar në vijën e dytë u gjetën dhe u sekuestruan 23 kilogramë lëndë e dyshuar Cannabis Sativa,” thekson policia në njoftimin e saj duke shtuar se me këtë rast u arrestuan edhe shtetasit, E. M. 31 vjeç nga Durrësi dhe A. B. 26 vjeç nga Tirana, pasi gjatë kontrollit të ushtruar në autobuzin e linjës Shqipëri-Gjermani në sediljen e këtyre shtetasve, u gjet dhe u sekuastrua një sasi e vogël lëndë narkotike e dyshuar Cannabis Sativa.
Njoftimi i policisë:
Muriqan, Shkodër
Policia kufitare godet një tjetër tentativë për trafik të lëndëve narkotike
Arrestohen në flagrancë 3 shtetas
Sekuestrohen 23 kg lëndë narkotike Cannabis Sativa
Nga shërbimet e Policisë Kufitare të P. K. K. Muriqan ne D. V. K. M Shkodër u arrestuan në flagrancë shtetasi:
M.K, 54 vjeç, banues në Tiranë
Arrestimi i tij u bë pasi është paraqitur në P. K. K. Muriqan në dalje të RSh, me mjetin e tij tip Benz, ku nga kontrolli i ushtruar në vijën e dytë u gjetën dhe u sekuestruan 23 kilogramë lëndë e dyshuar Cannabis Sativa
Gjithashtu në P. K. K. Muriqan u arrestuan shtetasit, E. M. 31 vjeç, banues në Durrës dhe A. B. 26 vjeç, banues në Tiranë, pasi gjatë kontrollit të ushtruar në autobuzin e linjës Shqipëri-Gjermani në sediljen e këtyre shtetasve, u gjet dhe u sekuastrua një sasi e vogël lëndë narkotike e dyshuar Cannabis Sativa.
Materialet iu referuan Prokurorisë për Krimet e Rënda Tiranë, në ngarkim të shtetasit Maliq Kruja, për veprën penale “Trafikimi i narkotikëve” parashikuar nga neni 283/a i Kodit Penal, ndërsa në ngarkim të shtetasve E. M. dhe A. B. u referuan materialet Prokurorisë së Rrethit Gjyqësor Shkodër për veprën penale “Prodhimi dhe shitja e narkotikëve” parashikuar nga neni 283 i Kodit Penal. @ Muriqan, Shkodër, Albania.
