Ndalime nga policia, deputetët e PD drejt Komisariateve 1 dhe 2, Baçi: Shoqërimet janë të paligjshme, për t’iu futur frikën qytetarëve!

Thirrjet për protestë paqësore dhe përfundimi i protestës së sotme paqësore pa asnjë incident, siç duket nuk kënaqi asnjërën palë, si pjesëmarrësit që dëgjuan fjalime të lodhshme dhe patetikek, dhe u përshëndetën për t’u takuar të hënën para Parlamentit në orën 17:00, ashtu dhe Edi Ramën i cili i zemëruar pse demokratët nuk i dhuruan kënaqësinë për t’iu dhënë dajak dhe gaz lotsjellës deri në delirin e tij, arrestoi ca të rinjë që ndezën fishekzjarre në përfundim të protestës.

Menjëherë drejt Komesariateve 1 dhe 2 u nisën deputetët e PD, ku Luan Baçi u shpreh:

“Për shashka sipas policisë. Gjithsesi nuk po kryejnë veprime këtu se thonë që do t’i shoqërojnë për te komisariati nr.1, për arsye se aty është vepra penale sipas këtyre zotërinjve.

Dihet që një protestë mëse paqësore dhe protestë mëse e organizuar, dhe mëse e monitoruar nga PD, përsëri policia gjen shkaqe dhe ndalesa për të frikësuar protestuesit qytetarë, sepse e dinë mirë që kjo ishte protesta e parë.

Shoqërimet e tyre janë të paligjshme, të parrëgullta. Janë shoqërime selektive dhe për t’i futur frikën qytetarëve. Pra, absolutisht nuk kanë bërë asnjë lloj shkelje. Kanë qenë në protestë. Thjesht, edhe punën e shashkave rrezik i hedhin vetë dhe pastaj dua t’ua kalojnë protestuesve,” tha deputeti i PD, Luan Baçi, duke folur dhe për qëllimet e arrestimeve të pakuptimta që bënë policia:

“Do të ketë një radhë protestash të pandalshme. Dhe këtë duan që ta bëjnë si punë shantazhi dhe presioni protestuesve duke i ndaluar edhe pa shkak fare, për t’i dhënë një mesazh për të mos qenë në protestat e tjera të radhës.

Gjithsesi ne do të vazhdojmë, do të ndjekim procedurat. Dhe shoqërimi do të bëhet për nga komisariati 2 për në komisariatin 1, bashkë me avokatën, znj.Kalaja. Do të jemi në ndjekje të problemeve.”

Për të kuptuar absurditetin e ndalimeve mjaftoi njoftimi i policisë në orët e mbrëmjes, sot, kur në çdo qytet policët e këtij shërbimi punojnë si taksi me uniforma të vjetra dhe Policia e Çuçit identifikon një person me një uniformë të këtij lloji për të arrestuar mun në mes të protestës “mu”shkelësin e madh”:

Policia sqaron se gjatë monitorimeve, rreth orës 12:15, në afërsi të dy kullave, kanë konstatuar një shtetas të veshur me uniformë policie me logo e stema të vjetra, e cila nuk përdoret aktualisht nga shërbimet e Policisë.

“Në momentin e ndalimit për verifikim nga shërbimet e Policisë, ky shtetas ka paraqitur një dokument të vjetër Policie, të dyshuar të falsifikuar. Shërbimet e Komisariatit të Policisë Nr. 2, kanë shoqëruar në ambientet e këtij komisariati, shtetasin G. H., 21 vjeç, banues në Durrës, dhe në përfundim të veprimeve të para hetimore u procedua penalisht, në gjendje të lirë, për veprat penale “Mbajtja pa të drejtë e uniformës” dhe “Falsifikimi i dokumenteve,” thekson Policia e Shtetit përmes një komunikate pas showt që ofroi para protestuesëve për ti irrituar, por, që nuk ia arriti qëllimit!

Dhejo vetëm kaq!

“Gjithashtu, janë shoqëruar dhe proceduar penalisht në gjendje të lirë shtetasit G. A., 30 vjeç dhe E. Gj., 45 vjeç, për veprat penale “Shkelja e rregullave mbi lëndët plasëse, djegëse dhe radioaktive” dhe “Prishja e qetësisë publike”, shprehet Policia e Shtetit duke shtuar se vijon puna për evidentimin e personave të tjerë që kanë hedhur lëndë piroteknike në drejtim të Policisë dhe institucioneve shtetërore.

– Duke u ndaluar te protesta a ia arriti qëllimin e saj ajo sot?

Luan Baçi: Gjithmonë protestat e arrijnë qëllimin. Protesta në vetvete është mjet i fuqishëm i opozitës dhe qytetarëve. Është zëri i qytetarëve aty në shesh. Është shumica e qytetarëve. Pjesëmarrje e plotë, masive. Zëri i tyre për të shkuar te veshi i shurdhër i Edi Ramës. Nëse nuk i shkon me një protestë, do t’i shkojë protestë pas proteste dhe pa ndalim.

– Ndonjë thirrje për efektivët e policisë lidhur edhe me protestën?

Luan Baçi: Ua kam bërë thirrjen e shpeshtë publike edhe në daljet e tjera në media. Sidomos drejtuesve të policisë, se punonjësit janë ata që zbatojnë urdhrat. Drejtuesit e policisë nuk duhet të provokojnë protestuesit.

Nuk duhet të jenë përballë protestuesve si armiqtë e tyre, por t’i shikojnë protestuesit se janë qytetarë, janë vëllezërit e tyre, janë motrat e tyre dhe kanë dalë në shesh aty për të protestuar për të gjitha padrejtësitë që i bën kjo qeveri dhe ky kryeministër.

Iu bëj thirrje që të mos provokojnë qytetarët. Të mos shoqërojnë dhe të arrestojnë dhe t’i zvarrisin sa në një komisariat në një komisariat tjetër.

E ndalojnë te komisariati 2 do e kalojnë te 1 për të kaluar disa orë se arsye nuk ka dhe argumenta nuk ka.

Avokatët tanë do jenë në mbrojtje të tyre dhe nuk do lënë asnjë nga protestuesit qytetarë që protestojnë në mëshirë të fatit dhe në duart e këtyre policëve.

– Për t’u ndalur pak te protesta në ditën e hënë, a do të ketë një skenar të ngjashëm me ditën e sotme, apo do të ketë një skenar tjetër?

Luan Baçi: Nuk ka skenar protesta. Ditën e hënë protesta do të jetë para parlamentit. Ditën e hënë në orën 5 ka një seancë plenare. Parlamenti mblidhet pas javës së gjelbër, por të mos harrojmë se 8 deputetë të PD janë të përjashtuar nga seanca. Kanë dhënë një urdhër për të mos hyrë në parlament.

Unë jam një nga të përjashtuarit dhe do të vete në parlament absolutisht, dhe do tentontoj të hyj. Do hyj në parlament se unë jam në punë. Jam përfaqësues i shumë qytetarëve, jam zëri i tyre aty. Do hyj në parlament, nëse do tentojnë të më ndalojnë është punë e tyre.