Ndërron jetë në gjykatë, Ilia Drini i akuzuar për shkaktim të vetëvrasjes së gruas

Ndërroi jetë në ambientet e Gjykatës Penale të Tiranës, teksa ishte një person nën hetim për çështje penale.

Dyshohet se profesor Ilia Drini ndërroi jetë si pasojë e një sulmi në zemër.

Ai akuzohej nga organi akuzës për veprën penale “Shkaktim i vetëvrasjes në dëm të shtetases Ada Xheblati”.

Policia dhe grupi hetimor ndodhen në vendngjarje dhe po punojnë për zbardhjen e rrethanave dhe shkaqeve të sakta të vdekjes së 68-vjeçarit.

Ndue Pjetra, avokati i Ilia Drinit 68 vjeç, që humbi jetën në Gjykatën Penale të Tiranës, thotë se procesi ndaj klientit të tij ishte i vonuar. Madje, ai thotë se 13 klientë të tij kanë vdekur deri tani duke pritur gjyqin.

Ne u vumë në dijeni dhe ne i këna prit këto gjona. Ne i vumë në dijeni gjithë institucionet që drejtësia e vonuar kështu do të përfundojë. Deri më tani mbi 13 klientë të mi kanë vdekur duke pritur gjyqin. I thonë 6 vjet 7 vjet, vetëm nga shkalla e parë në Apel. Gjykata vërtetë është e vështirë, duhet të dalin të shtunë e të diele të bëjnë gjyqe, jo t’i shtyjnë gjyqet me 5 muaj”, tha avokati Ndue Pjetra.

Ndërkohë në dosjen e prokurorisë thuhet se viktima ka përndjekur ish-bashkëjetuesen e tij duke e shtyre drejt vetëvrasjes. Ish-bashkëjetuesja e kishte denoncuar disa herë në polici dhe kishte kërkuar urdhër-mbrojtjeje, por ai e përndiqte dhe e ofentonte me fjalë të rënda në publik.

“Nga studimi i akteve të këtij materiali kallzues rezulton se më datë 27.07.2020 shtetsja Ada Xheblati, është paraqitur në policinë giyqësore dhe ka bërë kallzim në ngarkim të shtetasit llia Drini, i cili më perndjek dhe më ka shkaktuar një gjendje ankthi dhe frike, duke më shtyrë deri në atë gjendje sa kam tentuar të vetëvritem me mbidoza ilaçesh.

Unë para tre vitesh kam nisur nje lidhje me shtetasin llir Drini, dhe kemi bashkëjetuar, por gjatë kësaj kohe ai ka ushtruar dhunë fizike dhe psikologjike ndaj meje. Pasi u ndamë ai filloi përndjekjen, unë e kam denoncuar dhe një herë tjetër në polici ku kam kërkuar urdhër mbrojtjeje.

Ky person në menyrë të vazhdueshme më ndiqte tek puna, në rrugë, dhe para shtëpisë duke thirrur me fjalë të rënda ofenduese duke më përmendur sëmundjen time, pasi unë vuaj nga Epilepsia. Në punë më ka shkaktuar probleme pasi vjen dhe aty dhe bërtet duke më ofenduar me zë të lartë”, thuhet në dosjen e prokurorisë.