Ndodhë edhe kjo! Nëna me bebin shpëtohen dy herë nga rrënojat e tërmetit në Siri

Numri i të vdekurve nga tërmetet shkatërrimtare në Turqi dhe Siri ka kaluar shifrën 39.000, ndërsa shpresat për shpëtimin e të mbijetuarëve janë gjithnjë e më të vogëla nga terreni raportohet se ekipeve të kërkim-shpëtimit u ndodhë të shpëtojnë nga rrënojat, të njejtin person edhe dy herë.

Nëna Dima me fëmijën e sapolindur tashmë nën kujdesin e mjekëve po rehabilitohet pasi për të dytën herë u nxorën nga rrënojat e shtëpisë së tyre.

Dima më 6 shkurt kur ndodhi dhe tërmeti shkatërrimtar ishte në muajin e shtatë të shtatzanisë dhe një pjesë e shtëpisë së saj në Jindayris u shembë. Ajo u nxorrë nga rrënojat ku kishte marrë lëndime të lehta, më vonë lindi djalin Adnanin në spitalin e Afrinit i cili mbështetet nga shoqata mjekësore siriano-amerikane.

Duke mos pasur strehim alternativ, Dima, Adnani dhe familjarët e tjerë u detyruan të kthehen në shtëpinë e cila ishte shembur pjesërisht, dhe e cila vetëm pas tre ditësh u shemb e tëra! Sërish ekipet e kërkim-shpëtimit shpëtuan Diman tashmë me Adnanin, i cili u dërgua në gjendje kritike në spitalin al-Shifa ndërsa Dima pësoi lëndime serioze në ekstremitet.

Tani Dima po jeton në një çadër me bashkëshortin Abdul Majid dhe nëntë nipër e mbesa, dhe meqë Jindayris vazhdon të kontrollohet nga opozita siriane ata nuk kanë marrë kurrfarë ndihme pas tërmetit, ashtu si dhe dhjetëra mijëra banorë të këtij qyteti në veriperëndim të Sirisë.

Madje edhe para tërmetit katastrofik ishin 4.1 milionë banorë të këtij rajoni që kontrollohet nga kryengritësit që vazhdojnë dhe luftojnë me forcat e kriminelit Bashar al-Assad, që mbështeteshin nga ndihmat humanitare për të mbijetuar.

Ndryshe, të paktën 19.300 viktima të tërmetit po kurohen në spitalet turke, ka bërë të ditur Ministria e Shëndetësisë e Turqisë. 8.851 persona i janë nënshtruar ndërhyrjeve kirurgjike, 3.636 janë në kujdes intensiv dhe disa prej tyre tashmë kanë dalë nga spitali.