Ndryshimet kushtetuese, Edi Rama vë në rresht 106 deputetë, 10 i dalin nga vatha

Me 106 vota për dhe 10 kundër Parlamenti votoi sot ndryshimet kushtetuese, duke hapur listat dhe duke mos lejuar koalicionet parazgjedhore. 6 deputetë kanë munguar në seancë plenare.

Kryeministri Edi Rama kështu zbatoi kërcënimin për ndryshimin e nenit  64 dhe 68 të Kushtetutës, duke mos përfillur firmën e vendosur në Marrëveshjen e 5 Qershorit si dhe duke hedhur poshtë edhe njërën nga kushtet për hapjen e negociatave me Bashkimin Evropian.

Ndërkohë përpjekjet e Opozitës së Bashkuar deri në momentin e fundit nuk dhanë rezultat sepse Edi Rama përveç vendosmërisë në fjalimin e tij para votimit doli edhe kundër Shteteve të Bashkuara.