Ndryshimet në Kodin Zgjedhor, Celibashi: Nëse s’votohen 6 muaj para zgjedhjeve, emigrantët nuk mund të votojnë!

Pavarësisht pazareve që vazhdojnë mes mazhorancës dhe grupit te strukturuar korruptiv të Lulzim Bash, sot kreu i KQZ, Ilirian Celibashi, e ka bërë të qartë se ndryshimet në Kodin Zgjedhor duhet të votohen në parlament të paktën 6 muaj para zgjedhjeve ndryshe zgjedhjet parlamentare të vitit 2025 do të mbahen me Kodin e vjetër Zgjedhor, pra, pa premtimet elektorale që vazhdojnë të propagandohen nga opozitarët që mbështesin Edi Ramën në miratimin e ligjeve, siç janë listat e hapura dhe votimi i emigrantëve.

“Nëse do duhet të bëhen ndryshime në ligjin zgjedhor, duhet të datojnë 1 ose në rast më ekstrem 6 muaj para zgjedhjeve.  Nuk di të them çfarë impakti do të ketë lidhur me standardin Teknik nëse shkohet me këtë kod. Faktori politik dhe institucional kanë pranuar nevojë për ndryshme në kodin zgjedhor, të paktën në disa aspekte. Do të ishte mirë që partitë politike të angazhohen për realizimin e ndryshimeve sa më shpejt.

Ne kemi bërë publike listën e çështjeve që mendojmë se duhet të adresojmë në kuadër të zgjedhores, ngelet në vlerësimin e kuvendit për adresimin ose jo të atyre çështjeve, që për ne konsiderohen problematike ose të nevojshme për t’u rikonsideruar,” tha Ilirian Celibashi duke sqaruar dhe fatin e votës së emigrantëve në zgjedhjet parlamentare të vitit 2025.

“I qëndroj të njëjtit arsyetim. Nëse Kuvendi nuk plotëson boshllëkun ligjor sipas Kushtetuese, nuk mund të zhvillohet votimi nga jashtë. Nuk është përgjegjësi e KQZ me këtë kuadër rregullator ligjor e Kushtetues, për të nxjerrë akte nënligjore që mund të mundësojnë votimin nga jashtë.”