Në 72 orë, 516 tërmete/ Ja epiqendrat e lëkundjeve të fundit…

Tërmetet nuk kanë të ndalur. Të paktën dy tërmete me magnitudë 4.3 dhe 3.3 janë regjistruar në orët e para të mëngjesit të së premtes, një me epiqendër Gjirin e Lalzit dhe një tjetër në Lezhë.

Lëkundja e parë e fortë ka ndodhur në orën 00:49, ndërsa një tjetër goditje me e lehtë është regjistruar në orën 05:51 në Lezhë, me magnitudë 3.3.

Ndërkohë ditën e enjte IGJEUM regjistroi të paktën 10 goditje tërmeti, duke nisur nga ora 00:48, ndërkohë që e fundit lëkundje tërmeti ështeë regjistruar në orën 04:33 të mëngjesit, me magnitude 3.1, dhe me epiqender në Detin Adriatik, Gjiri i Lalezit.

Por lëkundjet kanë vijuar dhe gjatë orëve të para të mëngjesit, ku është ndjerë  një lëkundje 2.4 ballë në afërsi të Gjirit të Lalëzit.

Tërmetet kanë vijuar dhe në orët e drekës, ku sipas IGJEUM lëkundja e fundit që është në orën 11.

Dy tërmetet e fundit kanë qenë me intensitet më të lartë, dhe kanë arritur në 3.5 ballë.

Ndërkohë që pas tërmetit me magnitudë 5.1, të së mërkurës, janë regjistruar 516 lëkundje, që sipas specialistëve janë krejt normale, pasi është karakteristikë e tërmeteve të tilla, që pas goditjes së parë të ketë të tjera.