Në Angli me gomone, shpëtohen nga mbytja 48 emigrantë, shumica shqiptarë

Një varkë me 48 emigrantë që ishte nisur drejt Anglisë, është shpëtuar mëngjesin e sotëm ndërsa po mbytej në ujërat franceze. Një defekt në motorin e varkës 8 metra të gjatë, rrezikoi emigrantët por me ndërhyrjen e forcave franceze të shpëtimit u shmang tragjedia.

Në bordin e varkës, raportojnë mediat franceze, ishin 48 persona shumica prej të cilëve shtetas shqiptarë, 3 prej të cilëve fëmijë dhe 5 femra.

Emigrantët e shpëtuar u shoqëruan në Portin Treport ku iu dha edhe ndihma mjekësore dhe më pas iu nënshtruan një kontrolli administrativ.