Ne Bill Clintonin, Ju Edi Ramën!

Sot Presidenti i 42-të i Shteteve të Bashkuara, Bill Clinton, shkel për herë të parë në tokën shqiptare, për Ne që e vlerësojmë këtë nderim që i bënë vendit tonë një president amerikan, dhe për Ju, që jeni të qartë se ai nuk po realizon ëndrrën e Kryeministrit Edi Rama për të pritur një president amerikan, por, për të shkelur mbi të arriturat e qeverisjes së Saliut, kur u prit Presidenti i 43-të dhe në detyrë i SHBA, George W.Bush!

Gjithsesi ky ishte dhe ngelet Presidenti më i dashur i Amerikës për shqiptarët që arritën ta përjetojnë çlirimin dhe pavarësimin e Kosovës, kohë kur Edi Rama ishte kundër, si bomabrdimit të Serbisë ashtu dhe pavarësimit nga ajo.

Sot, kur Presidenti i Serbisë, Aleksandar Vuçiç, po jep grahmat e fundit me politikën e tij shoviniste serbe me Ballkanin e Hapur kundër Kosovës dhe Shqipërisë, të ndihmuar nga Edi Rama, Presidenti Bill Clinton shkel në tokën shqiptare pas porosisë që kishte lënë në vitin 1999, “Ne luftën, Ju paqen!”, jo se amaneti është plotësuar në tërësi, por, që shqiptarët janë më të qartë se kurrë edhe kur Kryeministri Rama i ndanë në “Ne dhe Ata”!

Sot përkundër dashurisë rilindase të Kryeministrit që shet për Amerikën, jemi sërish si në vitin 1999, Ne shqiptarët që vazhdojmë të besojmë se pa Amerikën shqiptarët nuk kanë të ardhme, dhe, Ju që besoni se dielli lind në Beograd, ashtu siç mendonte i ati i i Edi Ramës dhe etërit tuaj!

Sepse, thjeshtë jemi Ne që e pritëm dhe e besuam Sekretarin e Shtetit, James Baker, në qershorin e vitit 1991 në Tiranë, me fjalët “USA, USA”, kur ai na tha: “Për llogari të President Bush dhe të popullit amerikan, vij këtu sot për t’ju thënë se: Liria funksionon. Më në fund ju jeni të lirë të mendoni mendimet tuaja. Më në fund jeni të lirë të flisni atë që mendoni. Më në fund jeni të lirë të zgjidhni udhëheqësit tuaj. Shqiptarët kanë zgjedhur t’i bashkohen shoqërisë së njerëzve të lirë të të gjithë botës”; Dhe, Ju kriminelë komunistë që ishit futur në vrimën e miut, me ikjen e tij filluat të propagandonit epokën “nuk është koha për hakmarrje”!

Dhe, kur këtë epokë e futët në kokën e qindra mijëra të përndjekurëve politikë që i kishit përçudnuar, Ju dolët nga vrima e miut dhe deri sot nuk lejuat të zhvillohet as edhe një zgjedhje e lirë dhe e ndershme, në mënyrë të zgjedhim udhëheqësit tanë!

Sot Presidenti Bill Clinton vjen për një vizitë 24 orëshe në Shqipëri, ku Ne shqiptarët vazhdojmë të besojmë se bombardimi amerikan i Serbisë në vitin 1999 ishte i drejtë, dhe Ju që keni lexuar apo jo gazetën e celulës së terroristëve komunistë, “Koha Jonë”, i bindeni edukimit të saj, se bombardimi ishte i panevojshëm!

Sot Presidenti Bill Clinton vjen ndër shqiptarët që pritën afganë, ku Ne vazhdojmë të besojmë që ishte vendim i drejtë dhe mikëpritja nuk duhet të mungoj për asnjë aelatë të Partnerit strategjik, dhe, Ju që besoni se Edi Rama bëri mirë që shembi hotelin ku qëndruan këta afganë, për të cilët Rama mori dhe çmimin nga zonja Clinton!

Sot Presidenti Bill Clinton vjen ndër shqiptarët që pritën edhe muxhahedinë, ku Ne vazhdojmë të besojmë se nuk rrihen 4.000 opozitarë iranianë sepse në mesin e tyre janë infiltruar qindra prej tyre, dhe, Ju që bisedoni liderin suprem që misioni i tyre mori fund!

Sot Presidenti Bill Clinton vjen në shtetin, lideri i të cilit sapo “Mbylli Ballkanin”, ku Ne nuk i besuam edhe kur “Hapi Ballkanin” sepse ishte një ide serbe që dëmtoi ekonominë shqiptare, dhe Ju që mbyllët gojën si gjithmonë, meqë e kishte urdhëruar lideri suprem, si ai mostra shqiptare i vitit 1946!

Sot jemi Ne që nderojmë Presidentin Bill Clinton edhe pas vizitës së Presidentit George W.Bush, pa ndryshuar qëndrim sa të jetë jeta, dhe, Ju që vizitën e Presidentit Bush nuk e quani vizitë sepse e priti Saliu, dhe do i thoni vetes sa të jetë jeta, se Shqipërinë e vizitoi Presidenti i 42-të i Shteteve të Bashkuara, Bill Clinton, dhe u dekorua nga Edi Rama me “Yllin e Mirënjohjes për Arritjet Publike”!

Sot përkundër propagandës rilindase të Kryeministrit, jemi sërish si në vitin 1999, Ne shqiptarët që jemi me Amerikën, dhe, Ju që jeni me Partinë tuaj kriminale duke e mbështetur postulatin e liderit aktual, se “Amerika është e keqja e domosdoshme”!

Pra, sot, sërish jemi Ne që jemi me Bill Clintonin, dhe, Ju që jeni me Edi Ramën!

Dhe, Ne, i themi Presidentit të 42-të të Shteteve të Bashkuara të Amerikës:

Mirë se vjen President Bill Clinton!