Në këto ditë të nxehta vere, ja cili është vendi më i ftohtë në botë…

Temperaturat e ulëta ekstreme që janë shënuar këto ditë kanë shokuar  shumë shkencëtarë dhe jo vetëm, sepse u thye edhe rekordi i vjetër plotë 32 vjet.

Sa vërtetë mund të jetë ftohtë në sipërfaqen e tokës?

Është regjistruar tashmë minus 97 gradë Celsius.

Këtë temperaturë të ulët ekstreme, shkencëtarët e kanë regjistruar në vendin më të ftohtë në botë, pllakën e akullit thellë në qendër të Antarktikut dhe atë gjatë gjumit të thellë polar.

“Ky është vendi ku kushtet e jetesës në Tokë janë të përafërta me ndonjë planet tjetër,” tha studiuesi i Qendrës kombëtare për borë dhe akull në Universitetin Colorado dhe udhëheqësi i studimit, Ted Skambos.

Matjet kanë befasuar shumë shkencëtarë sepse tempetura kaq e ulët ka thyer edhe rekordin e matur në Qendrën ruse Vostok e cila ndodhet 1.300 kilometra nga Poli i Jugut.

Në vitin 1986, studiuesit rus kanë matur temperaturën prej 88.8 gradë Celsius, e ccudia bëhet edhe më e madhe sepse ky minus ka kaluar 8 gradë.

Frymëmarrja në ajr kaq të ftohtë është e pamundur për një kohë të gjatë. Mjaftojnë vetëm disa sekonda që të shkaktohet hemoragji në mushkëri dhe vdekja e shpejtë.

Për këtë arsye shkencëtarët rus mbanin maska, të cilat para frymëmarrjes e ngrohnin ajrin.

Qendra hulumtuese ruse Vostok është e ndërtuar 3.5 km nga maja, kështu që ekipi i Skambosovit beson se temperatura në pjesët më të larta të pllakës së akullit mund të jetë edhe më e ulët, shkruan “National Geographic”.

Në maje të pllakës së akullit nuk ka stacione meteorologjike, për këtë arsye, deri më sot ende askush nuk ka bërë matjen e  temperaturës, por këtë mund ta bëjnë satelitët ndërsa fluturojnë në pikën më jugore të globit.

Kështu edhe Skambos dhe kolegët e tij për disa vjet kanë përcjellë të dhënat satelitore  dhe kanë zbuluar se ku është temperatura më e ulët. Ata kanë gjetur me qindra xhepa të vegjël ku mbretëron i ftohti i jashtëzakonshëm, e pika të tilla ka shumë në majat e pllakës së akullit.