Në prag të El Clasico, ja çfarë bëjnë yjet e Barcelonës…

Futbollistët e Barcelonës, në prag të përballjes me Real Madrid, në El Clasicon e rradhës që pritet të dhurojë emocione, duket se nuk e kanë marrë shumë seriozisht ndeshjen që do të zhvillohet mbrëmjen e sotme.

24 orë para përballjes, futbollistët katalanas, kanë kaluar natën jashtë me bashkëshortet e tyre.

Lionel Mesi, Luis Suarez, Filip Kutinjo, Xhordi Alba, Serxhi Buskets, Paulinjo, Andres Iniesta dhe Ivan Rakitiç, të shoqëruar nga gratë e tyre, janë fotografuar duke darkuar së bashku në një nga restorantet e njohur katalanse, të njohur me emrin “Zuu”.

Pas shpalljes kampion në javën e shkuar, Barcelona synon të mbetet e pathyeshme në shtëpinë e saj. Nuk ndodh shpesh që futbollistët e Barcelonës, të kalojnë mbrëmjen në lokal vetëm pak orë para ndeshjes, por sigurimi i titullit kampion, ka bërë që trajneri Valverde të mos i pengojë, duke iu dhënë lejë.