“Në selinë e PD bandë vrasësish“, Berisha: Lulzim Brava nxori armët nga selia!
Sot lideri historik i Partisë Demokratike, Sali Berisha, përmes një dëshmie mbi dy orë në Prokurorinë e Tiranës, ka kontribuar në zbardhjen e ditës kriminale të 8 Janarit, me përfundimin e së cilës dëshmi ai akuzoi kryetarin e shkarkuar Lulzim Basha se ishte i rrethuar nga një bandë vrasësish e trafikantësh.
“Në deklaratën time theksova se për çdo shqiptar, për çdo mik e partner të Shqipërisë, shëmtira më kryesore, akti më i paimagjinueshëm, momenti më kriminal në historinë e 30 viteve, dëshmia më flagrante e lidhjes së politikës me krimin, ishte jo vetëm atë ditë, por unë po marr 8 janarin, Lulzim Brava i rrethuar nga një bandë vrasësish, trafikantësh, pengmarrësish, fondamentalishtësh. Kjo përbën dhe momentin më dramatik dhe dëshminë më flagrante të shkrirjes në një, të narko-shtetit dhe lidhjeve të një politikani me krimin,” tha Sali Berisha duke sqaruar se një pjesë të provave dhe emrave të mercenarëve, vrasësve e trafikantëve që i kishte dhënë në Prokurori i ka publikuar në profilin e tij në rrjetin social “Facebook”.
“PD do të dorëzojë çdo informacion që mbledh për këtë grup mercenarësh, vrasësish, trafikantësh. Emrat konkretë i keni të publikuar edhe në facebook tim, disa prej tyre. Facebook e kam publik.
“Besoj se momenti që një seli partie qëndronte e pushtuar me banditë, tregonte gjithçka se ç’ndodh në narkoshtet. Çështje tjetër që unë shtrova me forcë, si ka mundësi që të njëjtat armë që përdorte narkopolicia e Edi Ramës, përdorte dhe banda e Lulzim Bravës? Kjo ishte një dëshmi tjetër e një shkrirje, bashkëpunimi, të grupit të mercenarëve me narkobanditët me uniformë.
Emrat e mercenarëve, një pjesë i kanë ndaluar. Problemi është se armët i nxori nga selia, thuhet Lulzim Brava me mjetin e tij, megjithatë ka dëshmi flagrante të pranisë së njerëzve të armatosur në seli. Ka foto, por jo vetëm. Kështu që nuk ka asnjë njeri sot që vë në diskutim ekzistencën e këtij grupi të gjerë mercenarësh të përbërë nga vrasës, trafikantë, fondamentalistë, në seli, si roje të Lulzim Bravës,” tha Ish-Presidenti Sali Berisha duke shtuar:
“Moment tjetër që kompromenton, që dëshmon shkrirjen në një të krimit, të Edi Ramës dhe Lul Bravës, është Garda. Lulzim Brava, në kundërshtim me ligjet, mbrohet nga Garda, se ai është i shkarkuar, nuk është më kryetar opozite. Garda nuk mundet kurrë të qëndrojë në mbrojtje të një njeriu, që mbante afër vrasës e banditë. Ata zbatojnë porosinë e partisë. Një oficer garde që ruan një personalitet dhe konstaton se personaliteti mban përreth vrasës e trafikantë, është i detyruar t’i thotë komandantit që nuk e mbron këtë njeri.”
Për praninë e njerëzve të armatosur në selinë e PD, Berisha tha se janë fotografuar ndërsa Gjykata, sipas tij zbatoi urdhërin e Edi Ramës
‘Pretendimet e mia janë të vërteta. Askush nuk kundërshton dot vendosjen e blindave në kundërshtim me çdo parim. Askush nuk më kundërshton dot. Aty e patë kur u hodh tymi së pari më pas u hodh pluhuri toksik, bomba shurdhuese dhe pamja më simbolike e dy botëve, një njeri idealist me flamurin e PD për ta vendosur në ballkon dhe një grup primitiv i çajnë kokën. I patë ju këto skena. Aty flitet me fakte. Që të gjithë i ka larguar Lul Brava me mjetin e tij. Kam prova të padiskutueshme që aty ka pasur njerëz të armatosur. Njerëz që i kanë fotografuar. E patë fotografinë që doli pas protestës, aty kishte njerëz të armatosur. Gjykata zbatoi urdhrin e Ramës. Përkrahësit e mi ishin njerëz idealistë. Kjo ishte protesta më paqësore në historinë e vendit. Nuk u gërvisht asnjë njeri nga pala tjetër dhe u plagosën 12 protestues paqësore dhe qindra u helmuan me gaz,” tha lideri historik i PD ndërsa sqaroi dhe momentin se kujt i bënte me dorë nga turma në protestën e 8 Janarit:
“Për çfarë bëra unë me dorë? Iu thoja që të vinin, të hynin se ishin në rrugë. Ata duhet të bashkoheshin të vinin brenda, se i ndante gardhi dhe dera. Pe ti me ndonjë tra në krah. Kishte vetëm me shkallë, por jo me tra.”
Në fund, lideri historik i PD, Sali Berisha, ka ftuar demokratët e Shkodrër në një tubim në Pallatin e Sportit të dielën në orën 11:00.
“Unë tani ftoj demokratët e Shkodrës ditën e dielë në orën 11 në Pallatin e Sportit . Selia do i rikthehet PD. Statuti i votuar nga delegatët në 11 dhjetor ka një Nen që sanksionon se selia është ajo ndërtesë që sot Lul brava e ka shndërruar në çerdhe krimi. Selia do u kthehet demokratëve, nuk ka forcë në botë që të marrë selinë dhe ta shndërrojë në kulla.”
