Piku më i lartë në dy vite pandemi, Komiteti Teknik: Masat Anticovid nuk ndryshojnë!
Në dy javët e fundit është shënuar piku më i lartë i infektimeve në dy vite pandemi, bëri të ditur kreu i Komitetit Teknik të Ekspertëve dhe Zv/ministrja e Shëndetësisë, Mira Rakacolli, dhe pavarësisht kësaj nuk do të ketë ndryshim të masave.
“Do të vazhdojnë baret e restorantet deri në 11:00, ora policore 06:00-23:0, do të vijojë ndalimi jo më shumë 50 vetë të grumbulluar. Akvitetet sportive ne kapacitetin 30% të ambjenteve ku zhvillohen. Hyrja në Shqipëri e kontrolluar me certifikatë vaksinimi, test PCR 72 orë para ose test i shpejt 48 ore para. Do të vijojë kontrolli i vaksinimit të administratë publike. Këshillojmë zbatimin e masave, paraqitjen në qendrat e vaksinimit të atyre që nuk janë vaksinuar, Këshillojmë mbajtjen e maskës ku është e rekomanduar. Do vijojmë të ndjekim në dinamikë stuatën epidemiologjike dhe masat do të jenë në përputhje me situatën, ashtu sikurse janë edhe rekomandimet,” u shpreh kreu i Komitetit Teknik të Ekspertëve.
Duke folur për situatën epidemiologjike, Drejtorja e ISHP-së, Eugena Tomini, foli për rritje të infektimeve në dy javët e fundit kur dhe u shënua piku më i lartë në dy vite pandemi, kreu i Komitetit të Ekspertëve, Mira Rakacolli tha se shifrat e larta të infektimeve, që ditët e fundit kanë arritur nivel rekord nga varianti Omicron, nuk duhen parë me frikë por me shtim të kujdesit ndaj respektimit të masave.
“Janë rritur infektimet në dy javët e fundit për pasojë të variantit Delta dhe Omicron dhe mosrespektimit të grumbullimeve gjatë festave të fundviti. Fatmirësisht kemi qëndrueshmëri në shtrimet në spitale, nuk është reflektuar rritje e shtrimeve. Gjatë kësaj periudhë është shënuar piku më i lartë në dy vite pandemi,” tha kreu i ISHP-së, Eugena Tomini ndërsa Rakacolli shtoi:
“Treguesit flasin për një tjetër valë. Shifrat nuk duhen parë me frikë, por me një shtim më të madh të vëmendjes dhe kujdesit. Komiteti mendon se niveli i masave mbrojtëse që kemi sot është në përputhje me situatën epidemiologjike.”
