Nesër ndryshon ora

Nesër fillon llogaritja dimërore e kohës. Zyrtarisht, ndërrimi i orës bëhet në orën 03:00 të 29 Tetorit, atëherë kur akrepat kalojnë 60 minuta pas duke shënuar orën 02:00.

Llogaritja dimërore e kohës fillon të dielën e fundit të tetorit, dhe përfundon të dielën e fundit të muajit mars, kur me lëvizjen e akrepave të orës 60 minuta para sërish fillon llogaritja verore e kohës.

Parlamenti Europian ka mbështetur marsin e vitit 2019, Direktivën e propozuar se nga viti 2021 në nivel të BE të anulohet lëvizja e akrepave të orës, e shteteve anëtare iu la të vendosin nëse duan të llogarisin kohën verore ose dimërore. 

Por kjo çështje ngeci në Këshillin e BE, kështu që edhe në vitin 2023 vazhdohet me të vjetrën, akrepat e orës lëvizin pas në orët e para të së dielës së fundit të Tetorit.  

Duket se në rrethanat e krizave të fundit, nga pandemia e koronavirusit deri te lufta në Ukrainë, Gazë dhe kriza energjetike, marrëveshja e shteteve anëtare të BE lidhur me këtë çështje nuk është prioritet. 

Studimet tregojnë se për shkak të lëvizjes së akrepave të orës, njerëzit kryesisht ndihen më keq dhe vuajnë nga çrregullimi i ashtuquajtur, ritmi circadian, kanë probleme të mëdha me gjumin dhe ndjejnë lodhje. Më të goditurit janë fëmijët dhe të moshuarit.

Në bujqësi, lëvizja e akrepave të orës ka efekt negativ në rendimentin e të korrave dhe të mirën e kafshëve dhe pengojnë bioritmin e gjësë së gjallë, si dhe ndikon në mjeljen e lopëve.

Nga pozita gjeografike e shtetit varet nëse do të zgjedhë kohën e përhershme verore ose dimërore.

Shembull, nëse shtetet nga zona qendore e kohës do të përzgjedhnin orën verore, në Belgjikë, Holandë dhe Danimarkë, gjatë dimrit dielli do të dilte nga mesi i paraditës, e në veriperëndim të Spanjës rreth orës 10:00.

Në rast të përzgjedhjes së llogaritjes dimërore të kohës, dielli në lindje të Polonisë do të dilte në orën 03:00 të mëngjesit.