Nga 1 prilli Serbia ka importuar në Kosovë 12 milionë euro

Rreth 12 milionë euro mallra ka importuar Serbia në Kosovë, që nga fillimi i këtij muaji, kur edhe filloi zbatimi i masës së reciprocitetit i vendosur nga qeveria në detyrë.

Dogana e Kosovës ka bërë të ditur për RFE se janë 1.497 dërgesa që kanë ardhur nga Serbia në Kosovë që nga data 1 prill.

“Kurse nga Kosova në Serbi janë eksportuar mallra në vlerë rreth 800 mijë euro. Dominon industria ushqimore, si dhe ajo kimike në import, derisa në eksport janë disa produkte bimore dhe industri ndërtimore,” thekson Dogana e Kosovës

Ndryshe, në fillim të muajit prill, Qeveria në detyrë e Kosovës e ka zëvendësuar taksën prej 100 për qind për produktet serbe, të vendosur nga qeveria e kaluar në nëntor të vitit 2018, duke futur gradualisht masat e reciprocitetit.