Nga 3 Qershori, lejohet udhëtimi në gjithë Italinë

Duke filluar nga 3 Qershori, në tërë territorin e Italisë do të lejohet udhëtimi. Kështu ka vendosur sot qeveria italiane në përpjekje, që me lehtësimin e masave, ta rikthej në këmbë ekonominë e goditur të Italisë.

Lëvizja brenda rajoneve mund të rivendoset më 18 Maj, por ndalimi i udhëtimit  ndërkombëtar do të hiqet më 3 Qershor.

Të shpëtohet sezoni turistik

Heqja e ndalimit të udhëtimit konsiderohet si hapi më i rëndësishëm në rrugën drejt rimarrjes së vendit i cili është goditur rëndë nga epidemia.

Qeveria shpreson se në njëfarë mënyre do të shpëtohet sezoni turistik, kur italianët tradicionalisht nga qytetet do të shkojnë për pushime në plazh ose alpe.

Ndryshe, rreth 31.400 italianë kanë humbur jetën nga COVID-19 që nga shpërthimi i epidemisë më 21 shkurt, dhe është vendi i tretë me vdekshmëri pas SHBA dhe Mbretërisë së Bashkuar.

Italia është vendi i pestë me numrin e konfirmuar të infektuarve, 223.096, pas SHBA, Spanjës, Mbretërisë së Bashkuar dhe Rusisë.