Video/ Shpërthim i fuqishëm, panik në Venecia: Mos dilni jashtë!

Një shpërthim i fuqishëm në Fabrikën e produkteve kimike në zonën industriale të Venecias ka shkaktuar panik ndër qytetarë.

Autoritetet lokale u kanë bërë thirrje njerëzve që të qëndrojnë në shtëpi, të mbyllin dritaret  për shkak të tymit të zi të dendur i cili mbuloi gjithë qytetin. Mësohet se fjala është për Fabrikën e acetonit, ndërsa Agjencia e lajmeve Reuters raporton se një punëtorë është plagosur në këtë incident.

Fabrika në të cilin ndodhi shpërthimi ndodhet vetëm disa kilometra pranë pjesës historike dhe turistike të qytetit të Venecias.  

Në vendin e ngjarjes mbërritën menjëherë zjarrfikësit dhe ambulancat, raporton RT, ndërsa retë e zeza të tymit janë shtrirë mbi qytet për disa  kilometra.