Zjarr në pyjet e Mirditës, lufta me flakët vazhdon…

Një zjarr masiv ka përfshirë pyllin me pisha në afërsi të fshatit Xhuxhë të Njësisë administrative Fan, Bashkia Mirditë. Zjarri vazhdon të jetë i përmasave të mëdha me një shtrirje rreth 200 ha ndërsa era e fortë e vëshirëson situatën duke favorizuar përhapjen e zjarrit.

Zjarri ka shpërthyer në lartësi malore në terren të thyer, ku ndërhyrja me forca dhe mjete është shumë e vështirë.

Forcat policore dhe zjarrfikëse janë stacionuar në vendin e quajtur Qafa e Komit, ku zjarri mund t’i afrohet një kompleksi blegtoral; Prej aty janë evakuuar dhe nuk rrezikohen njerëzit dhe bagëtitë.

Ndërhyrja me forca dhe mjete tokësore është e pamundur sepse terreni është i vështirë, ndërsa ndërhyrjen nga ajri për momentin e pamundëson era e fortë dhe prezenca e mjegullës.