Ngjarje e rëndë në Tiranë/25 vjeçari sulmon me thikë prindërit, më pas…

Një ngjarje e rëndë ka ndodhur në orët e vona të së shtunës në Tiranë, ku djali ka sulmuar me thikë prindërit e tij, pas një debate në banesën e tyre. Më pas autori, ka tentuar vetëvrasjen, duke u hedhur nga kati i 3-të i apartamentit ku jetonin.

Sipas informacioneve paraprake të policisë, të tre shtetasit ndodhen në spital në gjendje të rëndë shëndetësore.

Njoftimi i Policisë së Tiranës për ngjarjen:

Më datë 05.05.2018, rreth orës 22:05, është dërguar në QSUT shtetasi B. S.,  rreth 25 vjeç, në gjendje të rëndë, i hedhur nga kati i tretë i banesës në rrugën “Nasi Pablo”.

Gjithashtu kanë shkuar në spital, të dëmtuar me mjet prerës, i ati, shtetasi E. S., rreth 60 vjeç dhe e ëma, shtetasia A. S., rreth 53 vjeç.

Nga hetimet e kryera deri tani rezulton se 25 vjeçari pas një grindje ka goditur babain dhe më pas nënën me thikë.

Pas këtyre veprimeve 25 vjeçari është vetëhedhur nga kati i tretë i banesës.

Po punohet për zbardhjen e plotë të rrethanave dhe shkaqeve të ngjarjes.