Nishani: Krimi vazhdon punën, qeveria nuk jep asnjë shpjegim dhe shqiptarët…

Një ditë më parë në brigjet e Italisë u kap një sasi prej 500 kg drogë, e cila dyshohet se ishte nisur nga Shqipëria.

Lidhur me këtë ngjarje ka reaguar ish-Presidenti Bujar Nishani, sipas të cilit krimi vazhdon punën.

Nishani shkruan se qeveria nuk jep asnjë shpjegim, ndërkohë që shqiptarët varfërohen.

“Përsëri drogë pa fund në Itali nga brigjet “e kontrolluara” të Shqipërisë.

“Një sasi e madhe droge, marijuane që sapo kishte mbërritur nga Shqipëria me një vlerë rreth 600 mijë euro, u kap në brigjet e Leçe mesditën e së dielës”, informon media.

Asnjë shpjegim nga qeveria shqiptare. Krimi vazhdon punën e tij !!!! Ai pasurohet, shqiptarët varfërohen”, shkruan Nishani në rrjet.