Paloka: Rama nuk i kupton raportet e DASH, vijon zullumet e tij…

Edi Paloka, nënkryetari demokrat i Kuvendit, ka reaguar pas raportit të DASH mbi investimet në Shqipëri. Paloka shkruan në rrjetet sociale se Rama nuk i kupton këto raporte dhe vazhdon me këmbëngulje zullumet e tij, deri sa ne ti themi me shqipe të qartë: Qërroju.

Postimi i Edi Paloka

Anglishtja që Rama “nuk e kupton”!

Sa herë e kemi dëgjuar Ramën ti përgjigjet akuzave të opozitës me deklarata të llojit:
“Po të ishte e vërtetë do kishte folur ambasadori(ja)”

Këtë “mbrojtje” e ka përdorur me paturpësi sa herë i është dashur, madje dhe për skandale apo fakte më se evidente siç ishin kanabizimi i vendit apo dënimi si trafikant i vëllait të Fatmir Xhafajt.

Po ndërsa kuptonte shumë mirë anglishten e ambasadorëve, Rama “nuk kupton” anglishten e përdorur në deklarata apo raporte nga shefat e ambasadorëve.

I tillë është dhe rasti më i fundit me qëndrimin e Departamentit Amerikan të Shtetit për PPP-të, si akte të qarta korruptive të qeverisë .

Si të tilla ato janë denoncuar nga opozita, janë denoncuar nga Banka Botërore, janë denoncuar nga FMN-ja ( e cila lëshon dhe një alarm për rrezikun e futjes së vendit në krizë), janë denoncuar nga Gjykata Europiane e Auditimit e së fundmi u denoncuan dhe në raportin e DASH, i cili flet qartazi për lidhjet korruptive të qeverisë me biznesmenet që përfitojnë nga PPP.

Po Rama , nuk i kupton këto raporte dhe vazhdon me këmbëngulje zullumet e tij, deri sa ne ti themi me shqipe të qartë: “Qerrohu”.