Një politikan hedhë Kuranin në ajër, shpërthen dhuna në Danimarkë

Pasi një politikan anti-islam hodhi në ajër një kopje të librit të shenjtë, Kuranit, shpërtheu dhuna në Danimarkë.

Policia e Kopenhagës tha se 23 persona u arrestuan mbrëmë pasi oficerët hodhën gaz lotsjellës në përleshjet e protestuesve.

Politikani ekstremist, Rasmu Pauldan, i cili dëshiron që Islami të ndalohet në Danimarkë, ka hedhur disa herë në ajër librin e shenjtë të fesë islame, në kryeqytetin danez.

Kryeministri i Danimarkës, Lars Loekke Rasmusen, veprimin e Pualdanit e cilësoi si një “provokim të pakuptimtë” dhe kërkoi përballje me argumente dhe jo me dhunë.

Trazirat u përhapën edhe në pjesë të tjera të qytetit , ndërkohë u bëri thirrje qytetarëve që të qëndronin larg kësaj zone.