Një tjetër shqiptar mes viktimave të tragjedisë së Athinës/ Emri

Mes viktimave të shkaktuara nga zjarret që përfshinë periferinë e Athinës është identifikuar një tjetër shqiptar.

Ai është Viktor Ceko nga Narta, i cili kishte emrigruar në Greqi që ë vitin 1991.

56-vjeçari ka ndërruar jetë ditën e sotme në spital.

Dy ditë më parë ishte konfirmuar vdekja e një gruaje me origjinë nga Leshnica e Sarandës, Nica Leka, e cila mësohet se ka vdekur në banesën e saj, në vendin e quajtur Mati.

Ndërkohë që tragjedia thellohet më shumë për familjen shqiptare, pasi dhe bashkëshorti i saj grek ndodhet në gjendje kritike për jetën në spital.

Episodi më i tmerrshëm qëkur zjarret u përhapën me shpejtësi, është ai i regjistruar në Mati të Atikës, ku vullnetarët e Kryqit të Kuq gjetën 26 trupa njerëzish, shumë prej të cilëve nëna me fëmijë, të përqafuar me njëri-tjetrin.

Numri i viktimave si pasojë e zjarreve ka arritur në 82.