Një vit pa Nebil Çikën, sot promovohet libri “Biri i armikut”

Sot, në njëvjetorin e ndarjes nga jeta, promovohet libri i gazetarit të njohur shqiptar Nebil Çika, “Biri i armikut”.

Në kohën kur autori Nebil Çika u nda nga jeta libri ishte në proçes, dhe sot ai botohet si pjesë e kolanës 2023 së Institutit të Studimeve për Krimet dhe Pasojat e Komunizmit.

Ndryshe, më 13 Prill të vitit 2023, Nebil Çika i riu u shua në moshën 58 vjeçare duke lënë të pikëlluar thellë më të dashurit e tyre, bashkëshorten Sheriarin dhe dy djemt, Gazmirin dhe Fatjonin, ndërsa gazetaria shqiptare humbi gazetarin e pazëvendësueshëm të së drejtës pa kompromis.

Ndërkohë të përndjekurit politikë humbën një luftëtarë të pakompromis në betejën e tyre për të vërtetën e krimeve komuniste, të cilët i përfaqësojë nga ditët e para të jetës së tij, më pas si kryetar i Shoqatës së Pëndjekurëve Politik dhe betejës në vijim deri në frymën e tij të fundit për të realizuar Hapjen e Dosjeve të Sigurimit të Shtetit dhe së fundi Ligjin për Lustracionin i cili sapo ka parë dritën e diellit dhe filloi të diskutohet për tu miratuar në Parlamentin e Shqipërisë.

Si pasardhës i emrit të madh shqiptar, gazetarit Nebil Çika, duke mbajt mbi supe një përgjegjësi shumë të madhe, Nebila Çika i riu, me devotshmëri dhe shumë kujdes arriti të bëhet njëri ndër zërat kryesor të shtypit shqiptar, fillimisht si gazetar, redaktor dhe kryeredaktor në disa media shqiptare dhe së fundi dhe botues i gazetës së trashëguar familjare “Minerva”.

Gjithashtu, Portali “PaFrikë” humbi kolegun dhe bashkëpunëtorin e pakompromis në luftën për të vërtetën dhe kundër komunizmit, armikut kryesor të qenies shqiptare!