Njeriu i vitit, Albin Kurti!
Sot kur kreun e SPAK-ut, Altin Dumani, e shpall njeriun e vitit një gazetë që nuk është më gazetë ndonëse i shërbeu partisë kriminale, PSSH, si truri i rrëzimit të Sali Berishës me të gjitha mjetet, deri sa shpërtheu rebelimi i vitit 1997, “Koha Jonë”, që bazuar në shkrimet që janë botuar është dhe turpi i gazetarisë shqiptare, dhe shqiptarët kishin mundësi ta shohin se si Dumani pa fije turpi shkon dhe e mirë këtë çmim duke dal i zbuluar se kujt i shërben;
Sot kur në emisionin më të shikuar shqiptar “Opinion” rezulton se ndër 15 personalitete të vitit, nga Kosova na qenka i biri i Ish-Presidentit, Hashim Thaçi, duke fyer mijëra intelektualë meritorë pse Kosova është sot ajo që është;
Sot kur Kryeministri Edi Rama thotë se viti 2023 është viti më i mir shqiptar dhe Migjeni është me fat që nuk i jeton këto ditë për të parë se çfarë është Mjerimi;
Sot kur shqiptarët janë me fat se vitin 2024 e fillojnë me një Kryeministër të Maqedonisë Veriut, shqiptar, në po këtë shtet ku vetëm 22 vjet më parë shqiptarët vriteshin si kavje laboratori nga maqedonët;
Sot, Ne jemi krenar që kemi raportuar dhe Ju keni lexuar Pa Frikë, duke kuptuar se rreziku më i madh i Shqipërisë ishte dhe ngelet edhe në këtë situatë të trazuar gjeostratetgjike, Serbia në Tiranë, aty ku toka shqiptare ishte dhe është në pazar me Beogradin!
Kjo ka bërë që pa mëdyshje, Kryeministri i Kosovës, Albin Kurti të shpallet nga lexuesit e Pa Frikë, njeriu i vitit 2023!
Jemi kritikuar kur kemi folur për mangësitë e sistemit arsimor në Kosovë, kur opozita kosovare merrej me përgjimet e buzhalëve dhe batonëve; Jemi kritikuar edhe kur kemi denoncuar veprimet keqëdashëse të Kryeministrit Edi Rama si me Ballkanin e Hapur ashtu dhe presionin që i bënte Kryeministrit Albin Kurti për targat RKS dhe tërheqjen e forcave speciale në Veri duke e akuzuar për antiamerikanizëm dhe antievropianizëm, si dhe ndëshkimin e parë që i bëri Kosovës, pasi Albin Kurti nuk iu bind këtij presioni për ta lënë Veriun e Kosovës pa zot të shtëpisë, dhe, Edi Rama nuk vajti në Gjakovë në mbledhjen e përbashkët të dy qeverive! Dhe, ndërsa debati vazhdonte ndër shqiptar për masat e Edi Ramës, masat u vendosën edhe nga Brukseli zyrtar ndërsa iu referua edhe ndëshkimit nga Kryeministri i Shqipërisë!
Por, sot, kur PISA thotë se arsimi i Kosovës renditet i fundit në Ballkan, dhe, BE dhe Gjermania nga ana tjetër e pranojnë se Ballkani Hapur është një strukturë paralele me Procesin e Berlinit, kur Beogradi zyrtar iu bind vendimit për targat RKS në Veri dhe ato sot janë realitet, dhe, sot, kur vetëm falë vendosmërisë dhe vendimit të Kryeministrit të Kosovës, Albin Kurti, për të lënë forcat speciale në Veri, të cilat u përballën dhe ngadhnjyen ndaj aksionit terrorist serb në Banjskë, ne kemi një Kosovë pas Srpska Krajinë dhe Republika Srpska, për vitin 2023 nuk ka personalitet tjetër mbi këtë tokë që bukës i thotë – bukë, dhe ujit – ujë, që mund të shpallet NJERIU I VITIT!
Për ata që mendojnë se krijesa e Edi Ramës, SPAK, bëri hatanë dhe si kreu i saj Altin Dumani nuk ka kush tjetër, për ata që kanë kritika të shumëta për Qeverinë Kurti dhe batonët, buzhalët e fevzot duan ti bindin se edhe djali i Hashim Thaçit që ka lindur në kohën e luftës së Kosovës në vitin 1999 është më meritor se Albin Kurti, Ne shprehim keqardhje!
Keqardhje, sepse drejtësia është e mirë vetëm kur është drejtësi, dhe, jo kur ajo kontrollohet nga Partia ose largëqoftë nga një njeri i sëmurë me sindromin “Malokë” si Edi Rama, i cili ka vendos të spastroj gjithë sistemin me njerëzit e Veriut sepse aty lindi Sali Berisha!
Dhe, sot, Kroacia nuk ka Srpska Krajinë jo vetëm pse kishte një Franjo Tuxhman, por, dhe një opozitë që nuk ndikohej as nga Beogardi por as nga Rusia; Dhe, kujdes, baton e buzhalë kroatë nuk kanë munguar as në Kroaci!
Si, dhe, sot, kur Bosnje Hercegovina ka Republika Srpska sepse BeH nuk kishte as Franjo Tuxhman dhe Albin Kurt, ndërsa Beogradi është po ai, kriminal, me Milosheviçin ose Vuçiçin, pak rëndësi ka, skenari është i njejtë, fillon me barrikada në Knin, Sarajevë dhe Banjskë, prapa së cilave qëndrojnë njerëz të armatosur deri në fyt me armë që ditë më parë arritën nga Serbia; Dhe, fillojnë negociatat e ndërkombëtarët për të “qetësuar” serbët lokal!
Për më shumë, pse Milan Radoiçiç dështoi me sulmin terrorist, pse Presidenti Serbisë po shënon dështime në dialogun Kosovë-Serbi, pse Edi Rama urren Veriun jo vetëm të Kosovës por gjithçka mbi Fushë Krujë, pse stani SPAK u bë stan i partisë komuniste kriminale: Ne raportojmë, Ju lexoni Pa Frikë!
Sot, në ditën e fundit të këtij viti, Ne po shpallim Njeriun e Vitit 2023:
Kryeministrin e Kosoës, Albin Kurti!
