“Nora e Kelmendit” dorëzon mandatin, Grida Duma: Nuk do ja fal kurrë politikës së llumit…

Pas përpalsjeve të fuqishme politike dhe denigrimeve edhe nga vetë partia e saj, një herë kur doli në krah të Lulzim Bashës dhe së fundi edhe më egër kur u takua me Sali Berishën, i cili e cilësoi edhe si “Nora e Kelmendit”, sot deputetja e Partisë Demokratike, Grida Duma, dorëzoi mandatin dhe renditi arsyet e këtij vendimi duke u shprehur qartë se një gjë nuk ia fal politikës së llumit, se me deklaratat kundër saj është prekur djali i saj.

“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Kurrë e kundërta, megjithëse është bërë. Fati i njerëzve që përfaqësoj është misioni që zgjodha.

Më e thjeshta do të ishte që të kisha qëndruar. Ka nga ata që po presin skutave të përgjojnë për shansin e tyre të humbur t’i ndrijnë parave. Mund të qëndroja thjesht për të mbijetuar, mund të bëja sikur nuk e shoh luftën e jashtme, por shumë vite në politikën e vijës së parë, nuk i jam larguar përgjegjësisë dhe as betejës, madje kam qenë e para,” tha Grida Duma duke u shpreh qartë se nuk do ja fal kurrë politikës së llumit kur goditja që i bënin në brez, godiste pandërprerë të birin e saj:

“Nuk i jam larguar përgjegjësi edhe kur më kanë goditur personalisht, mjerisht sepse nuk gjetën dot një aferë korrupsioni, një nderje duarsh. Jam sulmuar na hiena që të më brejnë personalit. Sot do t’ju them që ka një gjë që nuk do ja fal kurrë politikës llumi që ndoshta do jetë pengu, goditja që më bënin mua në brez, godiste pandërprerë tim bir, nuk e kam falur kurrë dhe as nuk do t’ja harroj politikës së llumit dhe shpresoj të ketë qenë një mësim për të. Herë pas herë dalin me fytyrën e ngrirë sikur po shpikin rrotën. Do t’i shfaqen edhe atij fytyra të atyre të korruptuarve të nginjur.”

Ndryshe, sulmet ndërpartiake ndaj deputetes Grida Duma u intensifikuan së fundi pas një takimi rastësor me kryetarin e PD, Sali Berisha, ku ky e fundit e quajti deputeten demokrate “Nora e Kelmendit” ndërsa sqaroi dhe arsyet:

“Pas 100 vitesh ata që do lexojnë, do gjejnë një grua (Grida Duma) e cila i vuri kësulën që meriton pashait (Edi Ramës), më të merituarën që mund t’i vinte.

Ky pasha përdori një gjuhë që s’mund ta përdorte kurrë në atë Kuvend, dhe ky pasha dy vjet më parë në fushatë i lejoi vetes një akt rrugaçërie të pashembullt ndaj saj.

Grida Duma u ngrit në zenitin e guximit, mençurisht shfrytëzoi momentin e deklaratës së tij dhe i dha përgjigjen më epike.

Nëse nuk e dimë se ç’ndodhi me vuçpashain nga thika e Norës, shqiptarët do ta dinë se çfarë ndodhi me gojën e Edi Ramës nga përgjigja e Grida Dumës se në çfarë u shndërrua goja e Ramës.

Siç do mbahet mend boja e zezë e Edi Palokës do mbahet mend edhe përgjigja epike e Grida Dumës. Akti i saj i jashtëzakonshëm, tregoi guxim. I dha Ramës atë që i takonte,” tha Sali Berisha për deputeten demokrate Grida Duma!