Shumë të egër, kreu i SPAK: Grupet kriminale shesin drogë deri në Dubai!

Kreu i SPAK, Arben Kraja, tha sot se grupet kriminale kanë ndryshuar aktivitetin kohët e fundit, duke shtrirë tentakulat, deri në Dubai. , Kraja theksoi se këto grupe janë bërë shumë të egra.

“Grupet kriminale kanë ndryshuar aktivitetin kohët e fundit. Kanë shtrirë aktivitetin në vendet ku prodhohet droga, ku tregtohet madje edhe në Dubai,” tha Arben Kraja në një takim të përbashkët që SPAK zhvilloi me Antimafian Italiane ndërsa për varjest e kohëve të fundit shtoi:

“Gjithashtu grupet kriminale janë bërë shumë të egër. Flas për shkak të vrasjeve të ndodhura kohët e fundit. Teknologjia që ata përdorin, siç janë telefonat apo edhe paratë e pista. Asnjë shtet i vetëm nuk e lufton dot këtë aktivitet të organizuar kriminal. SPAK për këtë është krijuar. Nga bashkëpunimi me SPAK skuadra e Barit ka arrestuar mbi 120 persona dhe ka sekuestruar rreth 7 ton droge.”