Numri i makinave në Shqipëri arrin në 1.05 milionë, një në tre shqiptarë me makinë

Në fund të vitit 2025, numri i mjeteve rrugore të regjistruara, me status aktiv ose të çregjistruara përkohësisht, arriti në 1.048.092 mjete, duke shënuar një rritje prej 9.3 për qind, krahasuar me vitin 2024.

Autoveturat përbëjnë 80,8 për qind të totalit të mjeteve rrugore.

Numri i autoveturave për 1.000 banorë u rrit në 361, nga 326 në vitin 2024. Një shqiptar ka më shumë se 1 veturë.

Sipas qarqeve, Tirana ka numrin më të madh të mjeteve rrugore, duke përbërë 34.7 për qind të totalit, i ndjekur nga Durrësi 13.6 për qind dhe Fieri 9.1 për qind.

Qarku i Durrësit ka nivelin më të lartë të motorizimit në vend, me 535 autovetura për 1.000 banorë.

Makinat e vjetra

Pjesa më e madhe e mjeteve që qarkullojnë në rrugë janë të vjetra. Autoveturat me moshë 11–20 vjet përbëjnë 45.7 për qind të autoveturave gjithsej.

Mjetet me kambio manuale përbëjnë 55.9 për qind të totalit të mjeteve rrugore.
Mjetet e prodhuara gjatë periudhës 2000–2010 përbëjnë 55.3 për qind të totalit të mjeteve rrugore.

Markat më të përhapura, mbizotëron Volkswagen

Marka Volkswagen është më e përhapura ndër autoveturat në vend, me 19.7 për qind të totalit, e ndjekur nga Mercedes-Benz me 18.1 për qind.

Lënda djegëse, dominon nafta, por pothuajse dyfishohen makinat elektrike

Nafta mbetet lënda djegëse dominuese për autoveturat në vitin 2025, duke përbërë 72.1 për qind të totalit. Por vitet e fundit ka rritje të mjeteve elektrike. Numri i autoveturave elektrike u rrit me 91.2 për qind, krahasuar me vitin 2024./Monitor/