Nuredin Dumani hap letrat, operacioni SPAK: 10 të arrestuar, në kërkim Martinaj e Çela

Dëshmia e Nuredin Dumanit dhe mikut të tij Henrik Hoxhajt, ka vendosur autoritetet në lëvizje duke firmosur 32 urdhër arreste dhe 15 urdhër kontrolle.

Dumani, raporton BW, ka zbuluar të dhëna të sakta për bosë të bandave kriminale në disa qytete të Shqipërisë, më konkretisht, Tiranë, Fier, Lezhë dhe Elbasan.

Deri më tani janë arrestuar 10 persona, 2 prej të cilëve në Tiranë. Ndërkohë, urdhër arreste janë lëshuar për Ervis Martinajn, Suel Çelën (në kërkim), Kamber Mehajn, Talo Çelën dhe Sokol Sanxhaktarin.
Ky i fundit ndodhet prapa hekurave i akuzuar për vrasje, mirëpo pas dëshmisë së Dumanit janë zbuluar implikime të tjera të tij.

Nuerdin Dumani, raportn BW, ka treguar detaje mbi një porosi vrasje. Sipas tij, një bos krimi, i kishte ofruar 100 mijë euro për vrasjen e një personi, por që ekzekutimi nuk u krye për arsye ende të paditura.

Ndryshe, Nuredin Dumani u arrestua pak kohë më parë në Fier, fill pas atentatit të dështuar ndaj tij. Ai u qëllua me breshëri plumbash pranë Elbasanit, por që arriti t’ia hidhte vetëm me një plagë në shpatull.