OKB, Presidenti Trump: Të gjithë së bashku, të luftojmë epideminë e drogës
Presidenti i Shteteve të Bashkuara, Donald Trump në aksionin global mbi problemin e drogës në botë, bëri thirrje nga selia e OKB që të gjithë së bashku, të luftojmë, siç tha ai, epideminë e drogës.
“Sot, të gjithë së bashku, jemi të vendosur të luftojmë epideminë e drogës.
Statistikat e 2018-tës tregojnë se përdorimi i kokainës dhe opiumit kanë arritur në nivele rekord të frikshme dhe vdekjet nga përdorimi i drogës janë rritur me 60 për qind nga viti 2000 deri në vitin 2015.
Ashtu sikurse e dimë të gjithë, problemet e drogës janë të lidhura më krimin e organizuar, problemet ekonomike, korrupsioni dhe terrorizmi. Është vitale për shëndetin publik dhe forcave të sigurisë internacionale të luftojnë varësinë ndaj drogërave dhe të ndalojmë çdo formë të trafikut që u jep përfitime financiare karteleve të drogës duke vrarë njerëz.
SHBA, me kënaqësi pret të bashkëpunojë me ju për të forcuar komunitetin tonë, të mbrojmë familjet tona dhe të kontribuojmë në një të ardhme pa drogë për të gjithë fëmijët tanë,” tha Presidenti Trump.
Ambasadorja amerikane në OKB, Nikki Haley me këtë rast bëri një përshkrim të situatës dhe kërkojë mbështetjen e të gjithë vendeve për të luftuar fenomenin e drogës.
Presidenti tregon një interes personal kur vjen puna te lufta kundër drogës. SHBA si shumë shtete të tjera, kanë parë humbje të mëdha në jetë njerëzish dhe familje të shkatërruara për shkak të lëvizjes së paligjshme dhe abuzimit me drogën.
“Ajo që na sjell në të gjithë së bashku këtu është fakti se droga nuk është një shqetësim vetëm për Amerikën por droga është një problem global. Nuk është problemi vetëm te konsumimi por edhe tek furnizuesit, një problem tek forca e ligjit, një problem shoqërie.
Duhet që çdo vend prezent në këtë mbledhje të OKB-së, të merret me këtë fenomen. Presidenti kërkon të angazhojë edhe më shumë vende të tjera. Ne kërkojmë konfirmimin tuaj se ju do të përfshiheni në këtë çështje.”
Ndërkohë nesër Presidenti i SHBA, Donald Trump pritet ti drejtohet Asamblesë së Përgjithshme të OKB me rastin e hapjes së seancës vjetore të shtatorit.
