OKB: Viti 2023 me vdekshmërinë më të lartë të emigrantëve në 10 vitet e fundit
Të paktën 8.565 njerëz kanë humbur jetën në gjithë botën në vitin 2023 gjatë rrugëtimit si emigrant, shifër kjo më e larta në 10 vitet e fundit, ka bërë të ditur Organizata ndërkombëtare e migrimit, IOM.
“Numri i të vdekurëve në vitin 2023 tragjikisht është rritur për 20 për qind në krahasim me vitin 2022, që kërkon veprimin urgjent në mënyrë që të shmangen humbjet tjera të jetëve,” thekson Agjencia e OKB.
Kështu, numri i të vdekurëve gjatë vitit të kaluar ka thyer rekordin e vitit 2016 kur humbën jetën 8.084 emigrantë. IOM ka sqaruar se rrugë të sigurta dhe legale migratore janë të rralla, kjo është dhe arsyeja që qindëra mijëra njerëz çdo vit rrezikojnë jetën në kushte të vështira.
Kalimi nëpër Detin Mesdhe vazhdon të jetë dhe rruga më vdekjeprurëse për emigrantë. Gjatë vitit të kaluar në Mesdhe kanë humbur jetën ose janë zhdukur të paktën 3.129 njerëz.
Më shumë se gjysma e 8.565 emigrantëve që kanë humbur jetën u mbytën në det, 9 për qind në aksidentet e trafikut ndërsa 7 për qind për shkak të dhunës.
