Open Balkan darkë me Soros e Vuçiç në Elbasan, Protestë Kombëtare në Tiranë
“Open Balkan” fillon takimin e radhës në Shqipëri me një darkë mbrëmjen e së hënës në Elbasan ku Kryeministri Edi Rama pret delegacionet e Presidentit të Serbisë, Aleksandër Vuçiç, Kryeministrit të Maqedonisë së Veriut, Zoran Zaev, dhe drejtuesin e Fondacionit “Open Society”, Alex Soros ndërsa lideri historik i Partisë Demokratike ka thirrë një Protestë Kombëtare para Kryeministrisë në Tiranë për në orën 16:00.
Dita e dytë e takimit, 21 Dhjetor, do të nisë në pallatin e Brigadave në orën 09:00, ku Kryeministri Edi Rama me Aleksandar Vuçiç dhe Zoran Zaev të shoqëruar nga disa ministra dhe krerët e Dhomave të Tregtisë ku do të nënshkruhet Marrëveshja e parë për kushtet dhe aksesin e lire në tregun punës. Më pas do të vijohet me marrëveshjet për skemat e përbashkëta për identifikimin elektronik të qytetarëve në pikat kufitare, për bashkëpunimin në fushën e sigurisë ushqimore, për njohjen e ndersjelltë për operatoret ekonomi.
Në ditën e dytë të punës, takimit do t’i bashkohet online dhe Komisioneri për zgjerim Oliver Varhely online, Drejtori i CEFTA-s, Emir Gjikiç, si dhe Sekretarja e Përgjithshme e Këshillit i Bashkëpunimit rajonal.
Takimi pritet të mbyllet me një konferencë për shtyp, të ideatorit të Open Balkan, Aleksandar Vuçiç dhe dy hyzmeqarëve të tij, Edi Rama dhe Zoran Zaev.
Ndryshe, protestën kundër Presidentit të Serbisë, Aleksandar Vuçiç në Tiranë e ka kundërshtuar Kryetari PD në detyrë i Edi Ramës, Lulzim Basha, duke e cilësuar si protestë kundër Sekretarit të Shtetit, Antony Blinken.
